Ejorrããn ke Bok ko Am̦?

Eaorõk bwe jen kajjitõk ippãd make kajjitõk in kõn bok ko me jej leto letak ilo kwal̦o̦k naan. El̦aññe bok eo el̦l̦oktõktõk, ettoonon im potak meñe jidik wõt, armej ro remaroñ jab em̦m̦an aer l̦õmn̦ak kõn Ri Kõnnaan ro an Jeova. Im men in emaroñ kõm̦m̦an bwe ren jab l̦õmn̦ak kõn ennaan eo ilo bok eo me emaroñ tõll̦o̦k er ñan mour indeeo.

Ta ko jemaroñ kõm̦m̦ani ñan kõjparok bok ko ad? Jet rej likũt bok ko ilo ieb ko aer im kõlaajraki bwe ren kon̦. Ñan waanjoñak, bok ko l̦o̦k iaaer, Imõniaroñroñ im brochure l̦o̦k iaaer, im tract l̦o̦k iaaer. Ñe rej bar karo̦o̦le Baibõl̦ eo kab bok ko jet ñan lowaan iep ko aer, rej kakõm̦anm̦an bwe bok ko ren jab jorrããn. Jet ri kwal̦o̦k naan rej kakon̦e bok ko aer ilo bũl̦ajtiik ak nien bok ko. Jen pukot kõl ko rem̦m̦an ñan kõjparoki bok ko ad. Men in enaaj kõm̦m̦an bwe en ejjel̦o̦k n̦otaan jerbal in kwal̦o̦k naan eo ad ippãn armej ro.​​—2 Ko. 6:⁠3.