Komin Koba Ibben Don Ilo Burukuk
1 Ewi emakijkij in am kar bwilõñ kin wãwen eo emõn kar eik enbwinin armij? (Sam 139:14) Kajjojo ra in enbwin eo ej jerbal ilo burukuk ibben mõttan ko jet. Nan in Anij ej keidi congregation in Christian ñan juõn enbwin kar emõn an karõke ibben don. Iumin Bõr eo, Christ, aolep ro uan congregation eo kar ‘karõk e im kobaik e, kin men eo an mokwoj otemjej kõke.’ (Ep. 4:16a) Kin men in, Jehovah emaroñ kajerbal armij ro an reburu wõt juõn ñan kõtõbrak men ko rekabwilõñlõñ.
2 Ro uan congregation eo ilo ebeben eo kein kajuõn rar jerbal im “burueir wõt juõn” ñan kake aikwij ko an don ilo jitõb im ilo kanniek. (Jerbal 2:44-47) Kin rejetak an Jehovah, rar burukuk ilo air jelmaik im anjo ion jumae ko relej. (Jerbal 4:24-31) Rar keañ kin ennan in Ailiñ eo ilo jabdewõt jikin rar etal ie, im kobrak lal in ilo ien eo kin news eo emõn. (Kol. 1:23) Ilo ran kein, congregation in Christian eo ear kõtõbrak ilo burukuk ejja men ko wõt ak ilo juõn joñan elaplok. Ta men ko rar jibañ kij ñan kõtõbar buru wõt juõn in?
3 Kuktok Ibben Don Ikijen Katak eo Ekwojarjar: Ibelakin lal, kabuñ eo ad ej kõmman ad buru wõt juõn. Ewi wãwen an maroñ eindein? Jej kile ial eo jemaroñ loe me Jehovah ej kajerbale ñan letok “ekan [ilo jitõb] ilo ien ekkar.” (Mat. 24:45, NW) Jej bareinwõt kaorõk “men in letok ko ilo armij” ear litoki einwõt ri katakin ro ilo congregation eo. Ke jej bõk ilo ettã buru men in letok ko an Jehovah ñan najidik kij ilo jitõb, melele eo ad kin Nan in Anij enaj eddeklok im kamakit kij ñan ejaak juõn kõnan ñan kajeoñe Jesus einwõt ri kalor ro an. Jej aikwij wõnmanlok im katak Nan eo an Anij, im kate kij ñan ad “tõbare juõn wõt tõmak.” (Ep. 4:8, 11-13) Kwoj kowõnmanlok ke buru wõt juõn eo ad ilo jitõb ilo am read Bible ran otemjej?
4 Buru Wõt Juõn Ikijen Kamao in Christian: Ilo kwelok ko an Christian yokwe ej karuaklok kij ñan don. Ilo kwelok kein, jej “lale dron.” (Hib. 10:24, 25) Men in ej kitibuj ejjab ad baj lale wãwen ko ilikin ak ñan lukkun jelã kajjen ro jeid im jatid, im lo ir ilo wãwen eo Jehovah ej lo ir, einwõt juõn men eaorõk. (Hag. 2:7, ftn., NW) Ñe jej roñjake nan kin tõmak ko air, yokwe eo ad ñan ir enaj mũlallok im ej kakajurlok buru wõt juõn eo ad. Ro jet rej jelã ke kajjõm einwõt juõn eo ej keini an bed ilo kwelok ko an congregation eo?
5 Ri Jerbal Ro Mõttad ilo Jerbal in Kwalok Nan: Kwalok nan kin news eo emõn ibben ri tõmak ro mõttad ej kaburukuk kij ilo ad kõmanmõn ankil an Anij. Ri jilek Paul ear kaorõk “dri jerbal [ibben] ñõn ailiñ in Anij.” (Kol. 4:11) Kwalok experience ko im jibañ don ilo jerbal in kwalok rej jibañ kij ñan kõtõbrak jerbal in Christian eo ad im ej kakajurlok lukluk in buru wõt juõn eo ad.—Kol. 3:14.
6 Kajur in Kaburukuk eo an Jitõb Kwojarjar: Ke jej kate kij ñan kõmanmõn ankil an, Jehovah ej letok ñan kij jitõb eo an. Men in ej jibañ kij ñan kamadmõde abañ ko im ñan ad bed ibben don ilo buru wõt juõn. (Sam 133:1) Ej kamakit kij ñan “kejbãrok an Jitõb kõmõnmõn buru wõt juõn ilo liab in ainemõn.” (Ep. 4:3) Kij kajjojo jemaroñ kowõnmanlok burukuk eo ej bed ibwiljin armij ro an Anij ilo ad kwalok leen jitõb ilo wãwen eo jej jerbal ibben don.—Gal. 5:22, 23.
7 Jerbal ibben don ilo burukuk iumin tel eo an Christ ej kõmman an “laplok enbwin ñõn an mõke kalek e ilo yokwe.” (Ep. 4:16b) Bareinwõt, ej kaibujuij Jehovah, “Anij in ainemõn” eo.—Rom 16:20.