Box In Kajitõk

◼ Katak Bible einwõt juõn family, jej aikwij ke reporte ñan congregation eo?

Elañe juõn Christian jemen ak jinen ej kõmman juõn Bible study ibben family eo im ekoba ajiri ro rejañin baptais, jemen ak jinen emaroñ reporte elaptata juõn awa ilo juõn week, juõn bar jeblak kajjojo week, im juõn Bible study ilo juõn alliñ. En eindein meñe katak eo ej aetoklok jen juõn awa, im rej kõmmane elõñlok jen juõn alen ilo juõn week, ak rej katak ibben kajjojo ajiri ro.​—Lale Our Ministry book eo, p. 104.

Elañe aolep ro uan family eo rej Ri Kennan ro emwij air baptais, inem ren jab reporte awa eo im bareinwõt katak eo einwõt jerbal in kwalok nan (ijellokin wõt elañe ajiri eo ej katak book eo kein karuo elikin baptais). Men in ej eindein kinke report in kwalok nan eo an congregation eo ej kwalok kin ta eo rej kõtõbrake ilo jerbal in kwalok kin news eo emõn im katakin mol eo ilo Bible ñan ro rejjab ri karejar ro an Jehovah emwij air wujleplok air mour im baptais. (Mat. 24:14; 28:19, 20) Bõtab, men in ejjab kadiklok aorõkin air keini kõmmane katak eo.

Ej eddo eo an Christian ro jemen im jinen ñan katak ibben ajiri ro nejiir. Ro rej aikwiji jibañ ñan kajutak ak kõmanmanlok katak in family eo air remaroñ kajitõk jibañ ibben elder ro. Elañe wãwen ko rej kõmman bwe en emõnlok elañe bar juõn ri kwalok ej katak Bible ibben ladik ak ledik eo ejañin baptais nejin juõn family ej Christian me rej koba ilo congregation eo, ren konono ibben presiding ak service overseer eo. Elañe ej kamelim juõn katak rot in, eo ej kõmmane katak eo emaroñ reporte einwõt an reporte jabdewõt Bible study ko jet.

Ñan katakin ajiri ro ilo ial ko an Jehovah ej kitibuj elõñlok awa ko im jibadbad ko jen ko rej walok ilo report in kwalok nan eo. (Dut. 6:6-9; Ken. 22:6) Jej aikwij nebar Christian jemen im jinen ro kin air inek eddo eo air elap ñan kakajiririk ajiri ro nejiir “ilo kaje im kowe an [Jehovah].”​—Ep. 6:4.