Schedule in Family eo—Katak in Family eo
1 Men in lelok eo elaptata me kwe einwõt juõn Christian jemen ak jinen kwomaroñ lelok ñan ro nejõm ej ñan katakin ir ñan yokwe Jehovah im einwõt kwe. Juõn wãwen eaorõk men in emaroñ walok ej “ñe kwoj jijõt ilo mweo imõm” ñan katak Bible einwõt juõn family kajjojo week. (Dut. 6:5-7) Meñe ewõr juõn rejetam ej juõn ri tõmak, kwoj jokwe ilo juõn family eoktak kabuñ ko ami, ak kwoj juõn single parent (ejelok rejetan), kwomaroñ jibañ ro nejõm ñan ebake yuk im Jehovah ilo ami katak Bible einwõt juõn family.
2 Jino Katak in Family eo: Buñten nee eo moktata ej ñan kamineneik ir ñan katak einwõt juõn family. Elañe kwo jaje ñããt eo emõn ñan katak, etke kwojjab bwebwenato kin men in ibben family eo am? (Ken. 15:22) Elañe ewõr ajiri ro redik, kwomaroñ karõk bwe en wõr jet ien katak ko rekadu ilo week eo. Lale ta schedule eo ejejjet ñan family eo am. Kajejjet ien katak eo ilo schedule in family eo, im kwon bebe ñan lore wõt.
3 Ta eo kwomaroñ katak? Jet rej keboje katak eo renaj katak kake ilo Congregation Book Study ak Katak in Imõniaroñroñ. Ro jet rej etale katak ko rejejjet ñan jodikdik ro. Jemen eo ewõr juõn nejin ladik im ledik ear ba: “Juõn men me emõn ibben ro nejiõ ej ñan kõmman tieta kin katak ko ilo book eo Aõ Buk in Bwebwenato ko Jen Baibel. Kilan im melele eo rej walok elaplok air aorõk jen joñan paragraph ko kimij etali.”
4 Katak Kajjojo Week: Keini kõmmane katak in family eo aolep ien im aolep ro uan ren kijoror kake. Oktak in ran eo im awa eo ej juõn men rej aikwij kõtmene kake ñan jerbale men ko ejidimkij air walok. Bareinwõt emaroñ wõr ien ñe rej aikwij ukõt men ko rej katak kaki. Ak jabdewõt oktak ko ilo schedule in katak eo an juõn family en jab to air wõnmanlok. Ilo juõn family, ledik eo nejiir ej ba: “Elañe kimij aikwij ukõt ien katak eo am, ien otemjej Jema ej je juõn kejelã kin ien eo ekãl im likiti ilo juõn jikin aolep renaj loe bwe aolep ren jelã kin ñããt eo enaj walok.” Elap ad nebar jibadbad kein ñan kejbãrok bwe family eo en keini an katak! Ke kwoj kakajiririk ro nejõm “ilo kaje im kowe an Jeova,” kwoj kwalok yokwe eo am ñan ir im Jemed ilañ jimor.—Ep. 6:4.