Box In Kajitõk

◼ Ta wãwen eo emõntata ñan kõmman jabawõt ñan tokjen ko an brother ro rej bed ilo aikwij ilo ailiñ ko jet?

Jet ien, jej roñ kin brother ro ilo bar juõn ailiñ me rej bed ilo aikwij kin men ko lor kanniek kin matõrtõr, jorrãn ko, ak wãwen ko jet rebin. Wãwen kein rar kamakit jet brother ro ñan jilkinlok money kajju ñan ra ko ilo ailiñ kein, im kajitõk bwe money kein ren kajerbali ñan jibañ jejjet in juõn armij, juõn congregation, ak juõn jerbal in ekkal.​—2 Kor. 8:1-4.

Ke jej nebar itoklimo rot in ej yokwe kin ri tõmak ro mõttad, ekkã an wõr aikwij ko elaplok air aorõk jen ko ri lelok jabawõt eo ear lemnak kaki. Jet ien, ej dedelok kadede lale aikwij eo me ri lelok jabawõt eo ear kõnan jibañ kake. Emol, jemaroñ liki bwe ñe rej jilkintok jabawõt ko ñan ra eo ilo bukwon eo ad ñan jerbal eo ibelakin lal, Kingdom Hall Fund eo, ak ñan jibañ jikin ko ear walok jorrãn ko ie, money kein renaj kajerbali ilo wãwen eo ri letok jabawõt eo ear kõnan.

Kar lukkun kamineneik brother ro ilo aolep ra ko ñan emmakit ilo mõkaj ñan aikwij ko me rar jab kõtmene kaki. Ilo aolep wãwen ko, ra eo ej kejelãik Governing Body eo ikijen men kein. Elañe rej aikwiji jibañ ko jet, Governing Body eo emaroñ kajitõk ibben ra ko jet rebak ñan jibañ ak remaroñ jilkinlok money ko kajju jen headquarter ko.​—2 Kor. 8:14, 15.

Kin men in, aolep jabawõt ko kwokõnan liloki ñan jerbal eo ibelakin lal, jerbal in ekkal ko ilo ailiñ ko jet, ak ñan jibañ jikin ko ear walok jorrãn ko ie kwoj aikwij jilkinloki kajju ñan ra eo ilo ailiñ eo kwoj jokwe ie, ak ikijen congregation eo am. Ilo wãwen in “dri korijer e tiljek im meletlet,” ikijen lajrak in karõk ko me Governing Body eo ear kajutaki, ej lolorjake aikwij ko ibelakin lal an dolul in jimjãn jimjatin ilo juõn wãwen ekwon.​—Mat. 24:45-47; 1 Kor. 14:33, 40.