Kwalok Kamolol kin Yokwe im Joij eo an Jehovah
Naj Kememe Mij eo an Christ ilo March 24
1. Ewi wãwen an kar Jehovah kwalok yokwe im joij eo an ñan kij?
1 Ri jeje sam ear keañ: “O armij ren nebar Jeova kin An joij, im kin jerbal in bwilõñ ko An ñõn ro nejin armij.” (Sam 107:8) Yokwe im joij eo an Anij elaplok jen baj eñjake in tiriamokake eo an kin armij. Men in ealikar ilo nan in nebar eo Anij ear kakõrmole: “Am tiriamo O Jeova e ar baur iõ.” (Sam 94:18) Elap an kar Jehovah kwalok yokwe im joij ke ear letok Nejin ej make wõt ear keotak ñan tokjen eo ad!—1 Jon 4:9, 10.
2. Ta juõn ian wãwen ko jemaroñ kwalok ad kamolol ñan Jehovah?
2 Ke ej ebaktok Kwojkwoj in Kememej Mij eo an Christ, ewi wãwen jemaroñ kamolol “Anij in tiriamokake” eo? (Sam 59:17) Kij kajjojo jenaj kõnan bõk ien ñan ad kalmenlokjen kin ran ko eliktata ilo mour eo an Jesus ion lal. (Sam 143:5) Bareinwõt enaj wõr tokjen ñan ad lor schedule in read Bible eo ilo ien Kwojkwoj in Kememej eo, einwõt emwij kõlajrake ilo Examining the Scriptures Daily—2005 im, elañe jemaroñ, read im kõmman research ko jet kin katak 112-16 ilo Greatest Man (Armij eo Elaptata) book eo im book ko jet rej bedbed ion Bible. Kalmenlokjen kin eon ko kwoj readi, im kwon make lelok yuk ñan ir. (1 Tim. 4:15) Kalmenlokjen ilo jar kin Nan eo an Anij ejjab kakajurlok wõt buruõd ak ej bareinwõt kwalok ad yokwe Jehovah.—Mat. 22:37.
3, 4. (a) Ewi wãwen jemaroñ anõk jitõb eo an ro jeid im jatid ilo Liberia? (b) Wõn eo kwokõnan kirtok ñan Kwojkwoj eo?
3 Kamakit Ro Jet ñan Kamolol Anij: Yiõ eo lok, 16,760,607 armij rar bed ilo Kwojkwoj in Kememej eo ibelakin lal. Ilo juõn bukwon ilo Liberia, brother ro rar je juõn letter ñan iroij eo ilo bukwon eo, im kejelãik e kin kõnan eo air ñan kememe Kejota eo an Iroij ilo bukwon eo an. Iroij eo ear kamelim brother ro ñan air kajerbal jikin ikkure football eo ñan kõmmane kwojkwoj in im ear kejelãik armij ro ilo aolep jikin ko ilo bukwon eo, im kirtok armij ñan air kwelok. Meñe ewõr lalem wõt ri kwalok ro ilo bukwon in, 636 armij rar bed ilo Kwojkwoj in Kememej eo!
4 Eindeinlok wõt, jekõnan jibañ elõñ armij joñan wõt ad maroñ ñan koba ibbed ilo Kwojkwoj in Kememej eo. Etke kwojjab kõmman juõn lajrak in etan armij ro kwokõnan kirtok ir? Pija ko itulikin magazine in March 8 Awake! im March 15 Watchtower ej kirtok armij ñan Kwojkwoj in Kememej eo. Kwomaroñ bareinwõt kajerbal peba in kir ko ñan Kwojkwoj eo. Type ak je ion peba eo awa eo im jikin eo enaj walok Kwojkwoj eo ie, im lelok ñan kajjojo armij ro kwoj kirtok ir. Ke ej ebaktok March 24, kwon bar jeblak ñan kakememej ir im kabin jabdewõt karõk ko kar kõmmani.
5. Ewi wãwen jemaroñ rejañ ri katak Bible ro ad ñan bed ilo kwelok eo?
5 Ewi wãwen jemaroñ jibañ ri katak Bible ro me rejañin jino itok ñan kwelok ko bwe ren bed im bõk tokjen jen ien in eaorõk? Bõk jejjo minute ko ilo kajjojo ien katak ñan jibañ ir melele kin aorõkin ien in. Kwomaroñ lo katak ko remõn ilo March 15, 2004, Watchtower ilo kajin English, peij 3-7, im book in Reasoning (Kõmmanwa), peij 266-9.
6. Etke eaorõk ñan karuwaineneik tok ri lotok ro ilo Kwojkwoj in Kememej eo?
6 Karuwaineneik Tok Ri Lotok Ro: Ilo Kwojkwoj in Kememej eo, kebak ri lotok ro im karuwaineneik tok ir. (Rom 12:13) Karõk ñan jijet ibben ro kwar kirtok ir, im kõmman bwe en wõr juõn air Bible im book in al. Elap ad naj kõnan yokyokwe ilo mãnãn jabdewõt brother im sister ro me etto air jab kwalok nan ak rar kate ir ñan bed ilo kwelok eo. Itoklimo eo ad eyokwe emaroñ jibañ ir ñan air bar jino koba ibben congregation eo. (Luk 15:3-7) Ilo ien in elaptata an aorõk, jen kõmman joñan wõt ad maroñ ñan rejañ ro jet ñan kobatok ibbed ilo lelok kamolol ñan Jehovah kin “An joij e men in bwilõñ.”—Sam 31:21.
[Kajjitõk ko]