Jibañ Ro Jet ñan Bõk Tokjen jen Binmour Eo
Kwojkwoj in Kememej Mij eo an Christ naj Kõmmane ilo April 12
1. Ta juõn wãwen me armij ro an Anij rej kwalok air kamolol kin binmour eo?
1 “Kamolol Anij kin An men in letok eo elap jen maroñ in ba.” (2 Kor. 9:15) Nan kein elukkun jejjet air kwalok kin wãwen eñjake eo ad kin emõn im joij im yokwe eo me Anij ej kwalok ñan armij ro an ikijen binmour eo an Nejin, Jesus Christ. Kamolol eo ñan Anij me eon in ej kwalok kake enaj lukkun alikar ñe jenaj koba ibben don ilo April 12 ñan ad kõmmane ien Kwojkwoj in Kememej mij eo an Christ.
2. Wõn ro jet rej bed ilo ien Kwojkwoj in Kememej mij eo ibben ro ri karejaran Jehovah, im ta eo rej aikwij in kõmmane ñan air maroñ bõk tokjen jen binmour eo?
2 Ibben ro ri karejaran Jehovah, joñan in joñoul million ro jet rej bed ilo ien Kwojkwoj in Kememej mij eo an Jesus kajjojo yiõ. Ilo air kõmmane menin, rej kalikar kamolol eo air kin katok eo an Christ. Bõtab, ñan air bõk tokjen jen binmour eo, rej aikwij kwalok air tõmak ilo binmour eo. (Jon 3:16, 36) Ewi wãwen jemaroñ jibañ ir kaddek juõn tõmak einwõt in? Ilo ien Kwojkwoj in Kememej mij eo, jemaroñ rejañ ir ñan air katak Bible im ñan bed ilo kwelok ko kajjojo an congregation eo week otemjej. Lemnak kin nan in rejañ kein tok ilal.
3. Ewi wãwen jemaroñ jino juõn katak Bible ilo ien eo jej kirtok armij ro ñan ien Kwojkwoj in Kememej eo?
3 Katak Bible Ko: Ñe kwoj kirtok ro rej itoklimo ñan ien Kwojkwoj in Kememej eo, etke kwo jab kajeoñ in jino juõn katak Bible ibbeir ilo book eo Jelãlokjen? Kwomaroñ kameleleik e kin ien Kwojkwoj in Kememej eo ilo am kabellok ñan peij 127 im etale ennan ko ilo paragraph 18. Kwomaroñ etale ennan kein ilo ien lolok eo kein kajuõn im eo kein karuo jimor, bõlen einwõt juõn katak Bible iman kejam eo. Ñe ededelok ami etale katak eo, bõlen armij eo enaj kõnan bwebwenato kin katak 7, “Men Ko Anij Ear Kõmmani Ñan Lomoren Armij.” Ñe emwij am kajutak juõn katak Bible eo ej wõnmanlok, jeblak im etale katak ko ilo jinoin book eo.
4. Wõn ro jemaroñ jino katak Bible ibbeir ilo ien Kwojkwoj in Kememej mij eo?
4 Wõn ro jemaroñ jino juõn katak Bible ibbeir ilo ad kajerbal wãwen eo kar konono kake ilõñ? Bõlen jet ian ri jerbal ro mõttam, ri school ro mõttam, ak ro ri turõm remaroñ mõnõnõ in katak. Lõmaro ilo congregation eo, ilo joij remaroñ kebak lõmaro rejjab ri tõmak belen kõrã ro ilo congregation eo. Im jab meloklok in kajitõk ibben ro nukõm rejjab Ri Kennan ñan am katak Bible ibbeir. Ibben menin, jenaj kõnan kamaat ad maroñ ñan ad kirtok ro rar niknik mokta ilo air kobatok ibben congregation eo ak kiõ rejjab, ñan air bed ilo ien Kwojkwoj in Kememej mij eo an Christ. (Luk 15:3-7) Jen kate kij jibañ rein ñan air bõk tokjen jen binmour eo.
5. Ewi wãwen jemaroñ rejañ ri katak Bible ro im ro jet rej itoklimo ñan air bed ilo kwelok ko an congregation kajjojo week?
5 Kwelok ko an Congregation: Kwojkwoj in Kememej eo ej kwelok eo moktata me elõñ ian ri katak Bible ro im ro jet rej itoklimo rej bed ie. Ewi wãwen jemaroñ rejañ rein ñan air bed im bõk tokjen jen kwelok ko jet an congregation eo? Ad Jerbal Ñan Ailiñ Eo in April 2005, peij 8, ej letok nan in rejañ kein: “Kwalok unin tel in public talk in tok. Kwalok katak eo jenaj etale ilo Katak in Imõniaroñroñ im ilo Congregation Book Study. Kamelele kin Theocratic Ministry School im Service Meeting eo. Ñe kwoj aikwij kwalok juõn katak ilo school eo, bõlen kwomaroñ kamelmel kake ibbeir. Kwalok point ko relap rar walok ilo kwelok ko. Kajerbal pija ko ilo book ko ad ñan jibañ ir lo ta eo ej walok. Jen ien katak eo moktata, kirtok ir ñan kwelok ko.”
6. Ta wãwen ko ruo jemaroñ jibañ ro emol burueir ñan air bõk tokjen jen binmour eo?
6 Ñe ro emol burueir rej katak Bible kajjojo week im keini air bed ilo kwelok ko an congregation eo, ekkã an mõkaj air wõnmanlok ilo jitõb. Kin menin, jen rejañ ro jet bwe ren kortokjen menin letok kein ilo jitõb im ñan air bõk tokjen jen menin letok eo elaptata an Anij—binmour eo.