Jibañ Bwe En Laplok Air Kwalok ñan Ir
1 Ke jej kwalok kin news eo emõn, ekkã ad iion armij ro rej jokwe ilikin territory eo kar karõke ñan kij ak rej konono bar juõn kajin, ekoba sign language. Ro jet me ear emõn ad bwebwenato kin Bible eo ibbeir remaroñ emmakit jen territory eo ad. Ewi wãwen jemaroñ karõk bwe juõn en bar jeblak im kwalok nan ñan armij rein. Ikijen ad kajerbal Please Follow Up (S-43) form eo.
2 Ekkã an armij ro mõnõnõ in roñjake ñe rej kwalok kin news eo emõn ilo kajin eo air. (Jerbal 22:1, 2) Kin men in, ñe jej iion armij ro rej konono bar juõn kajin, enañin aolep ien, jej aikwij kanne form eo meñe armij eo ejjab lukkun kwalok an itoklimo kin ennan in Ailiñ eo. Bõtab, ñe ewõr juõn jukjuk im bed ebwe an kilep in armij ro rej konono bar juõn kajin im ekkeini kwalok nan ñan ir ilo kajin eo air, ien eo wõt im rej aikwij kanne form eo ej ñe rej iion armij ro rej kwalok air itoklimo.
3 Kanne Form eo: Ilo jelã kilen kajeoñ in bõk etan armij eo, address eo an, im telephone number eo an. Kwalok kin joñan itoklimo eo an kar armij eo, ien eo remaroñ iione, book eo kar lelok ñan e ak ear kajitõk kake, im kajin eo emõntata an melele. Ñe ededelok am kanne form eo leloke ñan congregation secretary eo, eo enaj jilkinlok ñan congregation ak kumi eo ekkar.
4 Jilkinlok Form eo: Elañe secretary eo ejaje congregation ta eo ak kumi eo en bõk form eo ak ejaje address eo an, emaroñ telephone Territory Desk eo ilo ra eo ñan bõk melele eo ej aikwiji.
5 Ñe juõn congregation ak kumi ej bõk juõn Please Follow Up form, ren karõk ñan lolok armij eo ilo mõkaj. Ñe jej kõmmane ijo kunad, jemaroñ liki bwe Jehovah enaj kabellok buruen ro kar “likit ir bwe ren mour in drio.”—Jerbal 13:48.