Juõn Video eo Ewõr Juõn Ennan Eo Ej Jerbal Ñan Indio

Ta point eo elaptata ilo video eo David​—He Trusted in God (David​—Ear Liki Anij)? Bwe kij, einwõt David, jej aikwij liki Jehovah. (Sam 91:2) Ilo air lo men ko relap rar walok ilo mour eo an David enaj jibañ ajiri ro im ritto ro ñan katak jen joñok eo ear likiti. (Sam 31:14) Ñan tokjen ko relaplok, DVD in ekoba juõn “Video Quiz (Test)” im elõñ “Learning Activities (Wãwen ko ñan Katak).”

Aluij video eo, inem kajitõkin yuk make: (1) Etke Jehovah ear kãlet juõn king emõnlok? (1 Sam. 15:10, 11; 16:1) (2) Etke ear jab kãlet jabdewõt ian ro jein David? (1 Sam. 16:6, 7) (3) Etke Saul ear kõnan bwe David en kajañjañ kin harp eo? (1 Sam. 16:14-23) (4) Wõn in Goliath? (1 Sam. 17:4-10) (5) Etke David ear kõnan ire ibben Goliath? (1 Sam. 17:23, 24, 36, 37) (6) Kar wõn Jonathan? (1 Sam. 14:1) (7) Ñããt eo Saul ear oktak im ri kijirãt eo elaptata an David? (1 Sam. 18:25-29) (8) Etke David ear jab mõn Saul? (1 Sam. 26:7-11) (9) Ewi wãwen an kar Saul mij? (1 Sam. 31:1-6) (10) David ear emmakit ilo wãwen et ñan mij eo an Jonathan? (2 Sam. 1:11, 12) (11) Ta eo Jehovah ear kallimur ñan David? (2 Sam. 7:12, 13, 16) (12) Ta bwid eo elap David ear kõmmane? (2 Sam. 11:1-5, 14-17) (13) Ewi wãwen David ear kwalok bwe ear buromõj kin men eo ear kõmmane? (Sam 51) (14) Ta men ko David ear katakin Solomon kaki? (1 Kiñ Ro 2:1-4; 1 Kron. 22:6-13; 28:9, 10) (15) Ewi wãwen iroij eo an Jesus enaj wõr tokjen ñan David, Jonathan, im kwe?​—Ais. 11:6-9; Jon 11:25, 26.

Kiõ lemnak: Ewi wãwen kwomaroñ anõk liki eo David ear kwaloke ilo Anij?

Ro jemen im jinen, katakin ro nejimi kin aorõkin air liki Anij, einwõt David ear kõmmane.​—Sam 56:11.