Program eo Ekãl kin Circuit Assembly

Ilo ran kein eliktata an jukjuk im bed in enana, elukkun aorõk bwe jen kejbãrok nuknuk eo ad ilo jitõb im kadkadin Christian eo ad. (Rev. 16:15) Kin men in, ekkar unin tel in program eo an circuit assembly eo ilo 2006 ej “Komin Kõnak Armij Ekãl.”​—Kol. 3:10.

Ran eo Kein Kajuõn: Symposium eo moktata, “Kwalok Wãwen ko Wãwen Armij Ekãl,” enaj kwalok kin ewi wãwen kaddeklok armij ekãl ewõr tokjen ñan kij ilo aolep wãwen mour ko ad. Ewi wãwen jemaroñ kaddeklok armij ekãl? Men in jenaj etale ilo katak ko ruo eliktata ilo ran eo kein kajuõn, “Katakin Yuk Make Bwe En Jimwe Wãwen Am Kalmenlokjen” im “Jelãlokjen Eo Ej Eiki Armij Ekãl.”

Ran eo Kein Karuo: Symposium eo kein karuo, “Kaddeklok Loen Ri Meletlet,” enaj etale kin ewi wãwen armij ekãl ej jelet wãwen eo jej kajerbal loõd. “Kwoj Anjo ke Ion Ri Nana eo?” ej unin tel in public talk eo, me ej kalikar aikwij eo ñan ad ekkõl kin kõl ko Satan ej kajerbali. Katak ko ruo eliktata ilo assembly eo, “Komin Kejbãrok Kom Jen Lipjinjin kin Lal In” im “Komin Kõkãl Armij eo Iloa Ran Otemjej,” renaj jibañ kij ñan ad bõprae lemnak im mwil ko me rej idaptõk ibben ial ko rewãnik an Anij im ñan ad tiljek wõt ilo ad kabuñ ñan Jehovah.

Elap ad reimanlok ñan ad bõk nan in rejañ in ñan kõnak im kejbãrok armij ekãl!