Karõk eo Kar Kõmõne ñõn Dri Kwalok Ro
1 Ilo yiõ eo 1938, rolul eo an Jeova ear jino kõmõne juõn karõk ekãl. Kar kir congregation ko ñõn air ber ilo juõn kwelok elap etan zone assembly, ãt eo ranin ej circuit assembly. Ta unin air kar kõmõne men in? Buk eo etan Informant (etan ranin ej Ar Jerbal Ñõn Ailin Eo) an Janwõde 1939 ej uak im ba: “Kwelok kein relap rej mõtõn Rolul eo an Jeova ñõn kowõnmanlok jerbal eo kin Ailiñ eo. Nan in rejañ ko rej walok ilo ien kein raurõk ñõn aolep bwe ren maroñ kakõmõnmõnlok air kõmõne jerbal eo kar jitõñ ir.” Ñe jej lemnok kin an orlok oran dri kwalok ro kin Ailiñ eo jen joñõn in 58,000 ilo yiõ eo 1938 ñon eloñlok jen 7,000,000 ilo yiõ eo 2009, men in ej kalikar bwe kwelok eo elap etan circuit assembly ej kajejit mejenkajik eo an ñõn jibõñ dri kwalok ro ñõn air “kõmõne jerbal eo kar jitõñ ir”!
2 Unin Tel eo An Yiõ in Tok: Jej reimanlok ñõn kwelok eo elap me enaj walok ilo yiõ in jerbal eo ej jino jen aliñ in Jeptõmba im nan in rejañ ko renaj walok ilo ien in. Etan unin tel eo ej “Kom Jab an Lõl” im ej itok jen Jon 15:19.
3 Elikin an kar juõn sister ber ilo kwelok eo elap ej kab jemlok, sister in me ear jeniknik ilo jerbal in kwalok nan ear jeje im ba bwe katak ko rar kamakõt e ñõn an bar etale wãwen ko iben im beek ñõn “kwalok nan im bwijrõk jen an kõmõn jekben!” Ejelok berre bwe katak ko renaj walok ilo kwelok eo elap ilo yiõ in tok renaj jibõñ kij aolep ñõn yokwe Jeova im jab lõl in. (1 Jon 2:15-17) Kwon kõmõn bwe kwon ber im roñjake aolep katak ko renaj walok ñõn am lukkun bõk tokjen jen menin letok in ñõn aolep dri kwalok nan ro!
[Kajitõk ko ñan katak]
1. Ta karõk eo ekãl ear ijjino ilo yiõ eo 1938, im ta unin air kar kõmõne men in?
2. Ta unin tel eo an kwelok eo elap ilo yiõ in tok?
3. Ta tokjen ko jej bõki jen ar ber ilo kwelok eo elap?