Program eo Ekãl an Circuit Assembly Eo

Jej jelã bwe Jehovah Anij ej tellokin bõk yokwe im kabuñ eo ad. Bõtab, lal in ej bukõt an kareel kij jen ad kejbãrok juõn kõtan ebak ibben. (Jon 17:14) Ñan kakajur yokwe eo ad ñan Jehovah im ñan kakajur kij ñan jumae men ko an lal in me rekauwatata ñan ejmour eo ad ilo jitõb, program eo ekãl an circuit assembly eo ñan 2001 yiõ in jerbal eo naj bõk unin tel eo “Yokwe Anij​—Jab Men ko an Lal in.”​—1 Jon 2:15-17.

Juõn yokwe emũlal kin Jehovah ej kamakit kij ñan kwalok kake e. Meñe eindein, jerbal in kwalok nan ejjab juõn men ebidodo ñan an elõñ ian armij ro an Anij kõmmane. Ilo katak eo “Yokwe ñan Anij Ej Kamakit Kij ilo Jerbal in Kwalok Nan eo Ad,” katak kin ewi wãwen elõñ rar anjo ion air ejookok im abañ ko jet bwe ren maroñ bõk kunair ilo jerbal in.

Ewi wãwen mwil ko renanalok an lal in rej jelet kij? Jerbal ko kar watõki renana mokta rej kiõ ba bwe ekkã an armij kõmmani. Katak eo “Ro Rej Yokwe Jehovah Ren Kitõtõkake Nana” im symposium eo “Men ko An Lal in​—Ewi Wãwen Jej Watõki?” naj kakajurlok bebe eo ad ñan ba jaab ñan kõnan ko rebwid.

Juõn joñok emõn kin Theocratic Ministry School im Service Meeting eo naj kobaiki ilo program eo, im bareinwõt eliji katak in Imõniaroñroñ eo ilo week eo. Katak eo elap, “Ewi Wãwen Yokwe im Tõmak Rej Bõk Anjo Ion Lal,” naj rejañ kij ñan kajeoñe Jesus ilo an jumae ijjibed ko an lal in. (Jon 16:33) Kwon kirtok ri katak Bible ro am ñan bed ilo kwelok ko. Jabdewõt armij eo ekõnan baptais en kejelãik presiding overseer eo ilo ien eo emõkajtata bwe en maroñ kõmman karõk ko rej men in aikwij.

Circuit assembly in naj kareilok kij ñan ijo yokwe eo ad ej aikwij keolaplap ie bwe jen maroñ lañliñ kin jerammõn ko relap jen Jehovah. Kwon jab likjap jen jabdewõt iair!