Jino Bible Study ko Ilo Kejam ko im Ikijen Kajerbal Telephone
1, 2. Ewi wãwen jemaroñ ukõt program in katak Bible eo ad ñan jibañ armij ro reboub?
1 Armij ro rainin elap air boub. Ak, elõñ rej itoklimo kin men ko lor jitõb. Ewi wãwen jemaroñ jibañ ir ñan kabwe aikwij ko air ilo jitõb? (Mat. 5:3) Elõñ ri kwalok ro rej katak Bible ibben armij iturin kejam in mweo imwiir ak ikijen kajerbal telephone. Kwomaroñ ke kalaplok jerbal in kwalok nan eo am ilo wãwen in?
2 Ñan jino Bible study ko, jej aikwij bojak in kwalok kilen katak Bible ilo jabdewõt ien emõn tok. Ewi wãwen im ia eo jemaroñ kõmmane men in?
3. Etke emõn ad demonstrate kin juõn Bible study ilo ien lolok eo moktata, im ewi wãwen jemaroñ kõmmane men in?
3 Iturin Kejam in Juõn Em: Ñe kwoj iion juõn armij eo emõnõnõ in bwebwenato kin Bible, baj kabellok wõt ñan paragraph eo kwar keboje lok iman, einwõt paragraph eo moktata ilo katak 1 ilo Jen Kõmmõne brochure eo, im jino. Readi paragraph eo, etale kajitõk eo, im bwebwenato kin juõn ak ruo eon ko rej kwalok kaki. Ekkã ad maroñ kõmmane men in iturin wõt kejam eo iumin lalem ñan joñoul minute. Elañe armij eo ej mõnõnõ in bwebwenato, kõmman karõk ñan amiro etale juõn ak ruo paragraph ko ilo bar juõn ien.—Nan in rejañ ko jet kin wãwen ad kajju im kajitõk ñan jino Bible study ko jemaroñ loi ilo January 2002 Ad Jerbal Ñan Ailiñ Eo, p. 6.
4. Ewi wãwen jemaroñ jino juõn Bible study iturin wõt kejam in mweo ñe jej bar jeblak ibben armij?
4 Jemaroñ kajerbal juõn kõl einlok wõt in ñan jino Bible study ko ñe jej bar jeblak. Ñan wanjoñok, kwomaroñ kwalok Jen Kõmmõne brochure eo im kwalok kin etan Anij, ilo katak 2, paragraph 1-2. Ilo ien eo kwoj bar jeblak, kwomaroñ bwebwenato kin ta eo Bible ej kwalok kin kadkad ko kadkadin Jehovah, ilo am kajerbal paragraph 3-4. Ikijen bwebwenato eo tok juõn, kwomaroñ etale paragraph 5-6 im pija eo ilo peij 5 ñan kwalok kin ewi wãwen juõn katak kin Bible ej jibañ kij ñan jelã Jehovah. Men kein aolep jemaroñ kõmmani ilo ien eo jej jutak iturin kejam eo.
5, 6. (a) Etke jet armij remaroñ kõnan katak Bible ikijen kajerbal telephone? (b) Ta wãwen eo jemaroñ kajerbale ñe jej tilmake juõn katak ikijen kajerbal telephone?
5 Ikijen Kajerbal Telephone: Jet armij elaplok air kõnan katak Bible ikijen kajerbal telephone jen air jelmaik armij. Lemnak kin experience in tok: Ke ear kwalok nan jen em ñan em, juõn sister ear iion juõn kõrã me ej juõn jinen im ewõr an jerbal me ej kaboub e. Ke sister eo ear jab maroñ bar iion e ilo mweo imõn, ear bebe ñan telephone lok ñan e. Kõrã eo ear kamelele bwe ejelok an ien ñan bwebwenato kin Bible eo. Sister eo ear ba: “Iumin 10 ak 15 minute, kwomaroñ katak juõn men ekãl, meñe ikijen kajerbal telephone.” “Eokwe, elañe ikijen kajerbal telephone, bõlen enaj emõn!” kõrã eo ear uak. Ejjabto, ear keini an katak Bible ikijen kajerbal telephone.
6 Jet ian ro kwoj lolok ir renaj mõnõnõ ke in katak ikijen kajerbal telephone? Kwomaroñ kajeoñ wãwen eo ej kab mwij kwalok kake, ak ilo am baj ba: “Elañe kwokõnan, jemaroñ bwebwenato kin Bible eo ilo kajerbal telephone. Men in enaj emõnlok ke ñan kwe?” Ilo ad ukõt program in katak Bible eo ad ñan an jejjet ñan wãwen ko ibben ro jet, jemaroñ jibañ ir ñan “lo jelalokjen kin Anij.”—Ken. 2:5; 1 Kor. 9:23.
[Kajjitõk ko]