Kajerbal Ien eo Am ilo Meletlet
1 Kõnan eo ad ñan kabuñburuen Jehovah ej kamakit kij ñan keolaplape mour ko ad ion makitkit ko lor jitõb. Nan eo an ej kaiñ kij ñan ad ‘bukõt mokta ailiñ eo’ im ñan “melejoñ men ko re lijiklok.” (Mat. 6:33; Pil. 1:10) Ewi wãwen jemaroñ wiaik ien kin men ko an Ailiñ eo im kõmman bwe makitkit ko ediklok air aorõk ren kein karuo?—Ep. 5:15-17.
2 Likit Makitkit ko an Ailiñ eo Mokta: Karõk ien ko am bwe men ko rejjab aorõk ren jab kokkure. Jet rej jino kajjojo alliñ ilo air karõk ien ko ilo calendar eo air kin jerbal in kwalok nan. Inem rejjab kõtlok bwe men ko jet ren kokkure karõk kein. Jemaroñ kõmmane ejja wãwen in wõt ñan wiaik ien kin kwelok ko, katak ibbed make, im convention ko. Elõñ rej karõk ran otemjej ilo air jino ak kajemlok ran eo ilo air read Bible. Kajenolok ien ñan kajjojo makitkit ko raorõk, im jab kõtlok bwe jabdewõt men en kokkure.—Ekkl. 3:1; 1 Kor. 14:40.
3 Kõmman Joñan Am Jerbale Lal in: Ilo jet ene ko, ikkure ko, men in kamõnõnõ, hobby ko (men ko armij ro rej itoklimo in kõmmani), im jibadbad ko jet rej men ko rej bellok ñan aolep. Bõtab, elañe jej kõtlok bwe men in kamõnõnõ ko im men in ellolo ko rekãl ilo lal in ren kamad kij, men kein renaj tellok kij ñan buromõj. (1 Jon 2:15-17) Kin men in, Jeje Ko rej rejañ kij bwe jen jab kanuij jerbale lal in. (1 Kor. 7:31) Ilo am bokake nan in kakabilek in, kwomaroñ kwalok ñan Jehovah bwe kabuñ eo an ej moktata ilo mour eo am.—Mat. 6:19-21.
4 Bwen ien eo ñan jukjuk im bed in ebojak in jemlok. Ro rej likit men ko an Ailiñ eo mokta renaj mõnõnõ im Anij enaj buñburuen kake ir. (Ken. 8:32-35; Jem. 1:25) Kin men in, jen kortokjen ilo meletlet men in eaorõk, ien eo ad.