Juõn Ri Jibañ Ekanuij Ebak
1. Ewi wãwen mour in jitõb eo an juõn emaroñ mõjno lok?
1 Anna, juõn sister me leo belen ejjab juõn ri tõmak im jerbal eo an elap an bõk ien ko an, ear lo bwe elukkun bin ñan an nikniki an bed ilo kwelok ko an Christian, bõk kunan ilo jerbal in kwalok nan, im katak Nan eo an Anij. Meñe ej yokwe Jehovah, liin ear bõjrak jen an kõmmane men kein. Ilo mõnõnõ, ear bõk jibañ ko ilo jitõb jen elder ro rej yokwe.
2. Ilo wãwen et eo ri Christian ro remaroñ kamol bwe rebojak in lelok jibañ?
2 Bõk jibañ eo ilo jitõb me ej itok ikijen congregation eo an Christian ej kalikar ad atartar ion Jehovah. Ilo air kajeoñe yokwe eo an Jesus Christ, lõmaro reritto ilo congregation eo rej bukõt ien ko remõn ñan air lelok nan in kõketak im jibañ ko rekkar ñan ro rej lo bwe ebin ñan air jibadõk men ko ilo jitõb. (1 Tes. 5:14) Juõn nan in kõketak ejoij im kainemõn eo ej bedbed ilo Jeje ko ekkã an men eo rein rej aikwiji. Ri Christian ro aolep, jab elder ro wõt, rej aikwij emmakit ñan air lelok jibañ ñan ro rej mõjno. Ejelok bere bwe kij kajjojo emwij ad bõk kajur eo an “juõn nan, ñe ekar air kwalok e.”—Ken. 25:11; Ais. 35:3, 4.
3, 4. Ta eo ej kitibuji ilo ad jibañ ro jet, im ewi wãwen jemaroñ kõmmane?
3 Bõk Buñten Nee Eo Mokta: Ñan ad kwalok itoklimo eo ej kwalok yokwe kin ro rej aikwij jibañ jej aikwij bõk buñten nee eo mokta, kwalok juõn eñjake kin ir, im kwalok ad mol. Ke Jonathan ear jelã wãwen eo ebin David ear jelmae, ear “jutak, im ilok ñõn iben Devid ilo bukwõn wijki ko, im ear kakajur pein.” (1 Sam. 23:15, 16) Kajerbal juõn wãwen ejoij ñan am jibañ ro jet. Nan ko rej walok jen juõn lemnak emol im joij kin ro jet rej kwalok tokjen ko remõn. Bareinwõt, Jesus ear kwalok ilo alikar bwe ñan ad bar kajeblaktok juõn jeid im jatid maan ak kõrã bwe en kajur mour in jitõb eo an, jej aikwij lukkun niknik, im en wõr jibadbad in kate ko relap ibbed. (Luk 15:4) An wõr juõn kõnan emol ñan jibañ bar juõn armij enaj kamakit kij ñan ad kate wõt ilo ad lelok jibañ meñe ejjab mõkaj air kõmman wõnmanlok.
4 Ej juõn men in rejañ ñe jej bõk buñten nee eo mokta ñan kir ro jet, einwõt ro ilo book study eo ad, ñan air ilok ibbed ilo jerbal in kwalok nan! Ilo ad jibañ ro mõttad ri karejaran Jehovah ñan air bõk kunair ilo kwalok nan, jemaroñ kajerbal ien in ebellok ñan ad kakajur e bwe en kalaplok ijo kunan ilo jerbal eo an Anij. Ien ibben don kein rekalañliñ ilo jerbal eo an Jehovah rej men in kõketak ko remõn elaptata ñan ro rej kakõmanmanlok jokkin wõt juõn eo air ilo jitõb.
5. Ñan jet armij, ta jibañ eo elder ro remaroñ letok ñan ir?
5 Juõn Karõk Ej Kwalok Yokwe: Ro im etto air jab bõk kunair ilo jerbal in kwalok nan ak bed ilo kwelok ko an congregation eo remaroñ aikwij jibañ ko jet ñan kakajurlok tõmak eo air. Juõn katak Bible ilo juõn ian book ko einwõt Worship the Only True God, Draw Close to Jehovah, ak What Does The Bible Really Teach? bõlen ej men eo rej aikwiji. Kinke armij in ededelok an baptais, inem katak eo ejjab aikwij bõk juõn ien aetok. Congregation Service Committee eo ej aikwij jelã kin wõn ro remaroñ bõk tokjen jen men in letok in.—Lale December 1998 im November 2000 Ad Jerbal Ñan Ailiñ Eo Box in Kajitõk ko.
6. Ewi wãwen juõn sister ear bar bõk kajur ilo jitõb?
6 Anna, eo kar konono kake ilo jinoin, ear mõnõnõ in bõk jibañ eo an elder ro ñan an juõn sister eritto ilo jitõb katak Bible ibben. Ear bõk emen wõt ien katak ko ñan jibañ e ñan an bar ruaklok ñan Jehovah. Ear jino an bed ilo kwelok ko an congregation eo im kaddek kõnan eo an ñan kaibujuij Jehovah Anij ilo ijoko otemjej. Sister eo eritto ear bareinwõt jibañ e ilo jerbal in kwalok nan ilo an eñin e ilo katak Bible ko jet mae ien eo ear bwe an kajur ñan an kwalok jen em ñan em. Jibañ eo ejoij kar men eo ear aikwiji ñan an bar jino jerbale makitkit ko an ilo jitõb!
7. Ta tokjen ko remõn rej itok jen ad kakajur ro jet ilo jitõb?
7 Kakajur ro rej bed ilo aikwij ej bõktok jerammõn ko ñan aolep. Eo ej bõk jibañ ej lo lañliñ ilo an ruaklok ñan Jehovah im bar bõk kunan ilo makitkit ko an dolul eo An. Elder ro rej lañliñ ilo air lo wõnmanlok rot in ilo jitõb. (Luk 15:5, 6) Ro uan congregation eo rej ebake don ilo burukuk ilo an aolep kwalok yokwe im lemnak kin don. (Kol. 3:2-14) Ebed ibbed un ko remõn ñan ad kajeoñe Jehovah, juõn ri jibañ ekanuij ebak!—Ep. 5:1.
[Kajjitõk ko]