Nan in Kakememej ko kin Ien Kwojkwoj in Kememej Eo

Ilo yiõ in, Ien Kwojkwoj in Kememej eo enaj walok ilo Wednesday, April 12. Elder ro rej aikwij lolorjake men kein tok ilal:

◼ Ñe komij karõk awa in kwelok eo, kememej wõt ñan jab jaketo-jaketak bred im wain eo mae elikin an tulok al.

◼ Aikwij kejelãik armij otemjej, ekoba eo ej kwalok katak eo, kin awa eo im jikin eo kom naj kõmmane kwojkwoj eo ie.

◼ Aikwij keboje im kajerbal bred im wain eo ekkar ñan kwojkwoj eo.—Lale February 15, 2003, Watchtower ilo kajin English, peij. 14-15.

◼ Plate ko, cup ko, im juõn table emõn kab nuknuk in kalibubuik table eo aikwij bõktoki im likiti ilo jikin eo kom naj kõmmane kwojkwoj eo ie ilo ien lok iman.

◼ Aikwij lukkun karreoik Kingdom Hall eo ak jikin eo kom naj kõmmane kwojkwoj eo ie ilo ien lok iman.

◼ Aikwij kãlet ro rej lale kejam im jaketo-jaketak bred im wain eo im katakin ir ilo ien lok iman kin wãwen kõmmane eddo ko air, kilen eo ekkar rej aikwij lore, im aikwij eo ñan kõnak nuknuk ko rekkar im karbõb im emõn baotokiir.

◼ Rej aikwij kõmman karõk ko ñan jaketo-jaketak bred im wain eo ñan jabdewõt ri kabit ro renañinmij im rejjab maroñ bed ilo kwojkwoj eo.

◼ Ñe elõñlok jen juõn congregation ej kajerbal ejja Kingdom Hall eo wõt, congregation kein rej aikwij karõk ibben don ñan bõprae air kobaje jikin kõttar ak jikin deloñ eo, jikin etetal eo, im jikin park wa ko.