Program eo Ekãl in Circuit Assembly Eo
Jehovah ej tellokin bõk aibujuij. Ewi wãwen jemaroñ kaibujuij Jehovah? Ta aitwerõk ko jet armij rej ioni kin men in? Ta jerammõn ko kiõ ro im rej kaibujuij etan Anij rej bõki? Program in circuit assembly eo ilo yiõ in jerbal in ad ilo 2008 enaj letok uak ko ejuburu kin kajitõk kein. Unin tel in circuit assembly in ad ej “Kõmõn Men Otemjej ñõn Aibujuij an Anij.” (1 Kor. 10:31) Kalmenlokjen kin ta jerammõn ko rebed imad ilo ran kein ruo ñe rej letok elõñ nan in jiroñ ko ilo jitõb.
District overseer eo ad enaj kwalok katak in “Etke Jej Aikwij Lelok Aibujuij ñan Anij?” im “Jen Joñok Emõn ilo ad Wõnmae in Jerbale Menin Aikwij ko an Anij.” Enaj kwalok public talk eo, “Wõn Armij Ro Rej Kaibujuij Anij?,” im kwalok katak eo eliktata, “Jen Burukuk Ibben Don im Kaibujuij Anij ilo Aolepen Lal.” Bareinwõt enaj tel School in Kwalok Nan eo an Christian (Theocratic Ministry School). Circuit overseer eo enaj konono unin tel in “Mõnõnõ in Kwalok kin Aibujuij eo an Anij,” “Lale Aikwij ko an Circuit Eo,” im “Bed im ‘Bin wõt ilo Mol,’ ” eo im ej bedbed ion 2 Piter 1:12. Bareinwõt, jenaj katak wãwen “Jerbal in Pioneer Full-Time ej Kaibujuij Anij.” Enaj wõr ruo katak ko relap ewõr emen mõttan ko. Ilo katak eo kein kajuõn, enaj wõr katak eo etan “Kaibujuij Anij ilo Aolep Wãwen Ad Mour.” Katak in enaj etale tumũlalin melele in nan ko rekakõrmol ilo 1 Dri Korint 10:31. Ilo katak eo juõn me ebar wõr emen mõttan ko, im ej naetan “Kõmman Jerbal Ekwojarjar ñan Kaibujuij Jehovah” enaj kwalok kin elõñ wãwen ko kin ad kabuñ ñan Anij. Jenaj mõnõnõ in bõk kamelele ko ilo tukadu ñe jej etale juõn ian katak ko ilo magazine in Imõniaroñroñ eo im lale unin tel in ran eo ñan Sunday. Enaj bar wõr juõn ien aorõk kin baptais.
Enañin aolep armij ro rej makoko in kile Anij. Elõñ rej mad kin bebe ak makitkit ko an armij ro ilo lal jen air lemnak kin aibujuij eo an Jehovah. (Jon 5:44) Bõtab jej liki kin aorõkin jolok elap ien ñan “Kõmman Men Otemjej ñan Aibujuij eo an Anij.” Kõmman bebe ñan am bed im bõk elap tokjen ko jen program ko aolep ilo jibboñ im elikin raelep iumin ran kein ruo.