Program eo Ekãl kin Ran in Special Assembly Eo
Unin tel eo an program in special assembly eo ñan yiõ eo 2008, ‘Kij Kle—Jehovah Ej Ad Ri Potter,’ ej bedbed ion Aiseia 64:8. Nan in kakkõl eo jen Jeje ko kar letok ikijen program in ñan kalaplok ad kamolol Jehovah kin meletlet, ekajet jimwe, kajur, im yokwe eo an einwõt juõn Ri Potter Elap.
Katak eo an circuit overseer eo, “Karejar einwõt Jãbi ko in Nebar ilo Jerbal in Kwalok Nan,” ej kwalok kin ewi wãwen elõñlok armij rej mõnõnõ kin jerammõn ko rej bõk kin air jelã mol eo im kwalok ñan ro jet. Katak eo “Kalmenlokjen Enaj Kejbãrok Yuk” enaj kwalok kin ewi wãwen kalmenlokjen kin nan in kakabilek ko an Jehovah rewãnik enaj kejbãrok kij. Ri lotok eo enaj kwalok unin tel kein ñan ri kwelok ro “Komin Jab Ilo Wãwen Dri Lõl In” im “Kõtlok bwe Ri Potter eo Elap en Katakin Yuk.” Jemen im jinen im ajiri ro renaj bõk rejañ jen katak kein “Jodikdik ro Jehovah ej Kajerbal Ir” im “Aorõkin Jerbal eo an Jemen im Jinen ñan Katakin Ro Nejiir.” Ilo demonstration im interview ko, jenaj mõnõnõ ñan roñjake im etale ta eo ro jeid im jatid rar kõtõbare ilo jerbal in kwalok nan eo air. Ro rekõnan kalikar air wujleplok ñan Anij ilo air baptais iumin den rej aikwij jiroñ presiding overseer eo ilo mõkaj. Kememej ñan bõktok copy eo am kin Imõniaroñroñ ñan etale ilo ran in special assembly eo.
Jabdewõt men eo Ri Potter eo Elap ej karõki enaj wõr tõbrak. Ak ej juõn bebe kij kajjojo jej aikwij kãlet ta eo jenaj kõmmane ñe ej katakin kij. Ro remeletlet in kõttãik ir ñan kien ko an Jehovah, remaroñ ukõt wãwen mour eo air, einwõt juõn aenbat erabõlbõl, im erom einwõt juõn jãbi elap tokjen ñan kajerbali. Elañe jej jerbal ibben Jehovah, jej kautiej iroij bõtata eo an im bõk elõñ jerammõn ko.