Kalaplok Ijo Kunad Ilo Jerbal in Kwalok Nan
1 Ri jilek Paul ear jiroñ Ri Christian ro ñan etetal ilo ial ko an Anij im ñan “bareinwõt lõñlok wõt.” (1 Tes. 4:1) Ta melelen menin ñan kij? Juõn men ej bwe jej aikwij wõnmanlok ñan jibadõk makitkit ko relaplok ilo jitõb, ilo ad kate kij ñan ‘kajejit jerbal eo ad.’—2 Tim. 4:5.
2 Unin Am Emmakit: Kalaplok kunad ilo jerbal in kwalok nan ej itok jen kõnan eo ñan kalaplok ad karejar ñan Ri Kõmanman eo ad. Jekõnan rittolok ilo jitõb im bukõt wãwen ko ñan kakõmõnmõnlok jerbal in kwalok nan eo ad. Juõn iminene emõn kin juõn un ejimwe emaroñ jibañ kij ñan jibadõk mejenkajjik ko rej ekkejellok ñan jerbal eo ad ñan Anij.—Sam 1:1, 2; Pil. 4:6; Hib. 10:24, 25.
3 Ñe jej kate ñan kalaplok jerbal in kwalok nan eo ad jej aikwij kaddeklok juõn jitõb in karmijeteik kõnan ko ad make. Kain jitõb rot in emaroñ eddek ibbed ikijen ad jar im kalmenlokjen kin joñok eo emõn an Jesus. (Mat. 20:28) Jesus ear bõk elap mõnõnõ jen an jerbal ñan ro jet ilo jerbal in kwalok nan eo an. (Jerb. 20:35) Jemaroñ anõk Jesus ikijen ad kwalok ad itoklimo kin armij ro im bojak ñan kortokjen ien ko remõn ñan kalaplok ijo kunad ilo jerbal in kwalok nan.—Ais. 6:8.
4 Ijo Kunan Ro Jemen im Jinen: Jemaroñ katakin ajiri ro ñe rej dik wõt ñan kaddek juõn kõnan ñan jerbal ak karejar ñan ro jet im ñan kalaplok jerbal in kwalok nan eo air. Ro redik renaj lo an ro uan family eo air niknik im mõnõnõ in kalaplok ijo kunair ilo jerbal in kwalok nan. Juõn men me ear kamakit juõn jeid im jatid maan ñan kalaplok ijo kunan ke ear juõn ladik wõt kar ikijen an etal im jerbal ibben jimman ilo makitkit ko an congregation eo. Ke ej lo an jimman niknik im lañliñ, men in ear kamakit e ñan bukõt ien ko remõn me rebellok ñan an jerbal ñan ro jein im jatin. Likao in ej kiõ juõn ministerial servant.
5 Aikwij eo kin Ro Jeid im Jatid Maan: “Elañe armij ej bukot . . . , ej kõnan jerbal emõn.” (1 Tim. 3:1) Nan kein rej kõketak ro jeid im jatid maan ñan air kate ir jibadõk jerammõn ko kin jerbal ko rejej uair ilo dolul eo an Jehovah. Ñan bõk jerammõn kein ejjab melelen bwe ej aikwij wõr air kabel ak iminene. Juõn jeid im jatid me ej kate ñan kalaplok ijo kunan enaj bukõt mokta Ailiñ eo im kijejeto ilo jerbal in kwalok nan. (Mat. 6:33; 2 Tim. 4:5) Enaj kate e ñan kõmman juõn joñok emõn ñan ro jet.
6 Ibelakin Lal: Jehovah ej kamõkajlok an aintok kumi in armij ro. (Ais. 60:22) Ej juõn men in ekaiuriur ñan ro rej lor joñok eo an Jesus ñan kalaplok ijo kunair ilo jerbal in kwalok nan. Report eo ilo yiõ in jerbal eo 2006 ej kwalok bwe enañin 248,327 armij rar baptais. Melelen bwe ewõr elõñlok jen joñan in 680 ro rekãl rej deloñtok kajjojo ran! Kij aolep jen wõnmanlok im bukõt kõl ko ñan kalaplok ijo kunad ilo jerbal in kwalok nan!.