Box in Kajitõk

◼ Ta book ko ruo jej aikwij katak ibben ri katak ro ad?

Book in, Bible Teach (Ta eo Bible Ej Lukkun Katakin?), ej book eo elaptata jej kajerbale ñan jino im kõmman Bible study ko. Meñe ejjab nana ñan kajerbal bar juõn book ñan jino juõn Bible study, einwõt juõn tract ekkar, ak ilo ien eo emõkajtata jej aikwij kajeoñ in ukõte ñan katak kin Bible Teach book eo. Ear wõr tõbrak ko rekabwilõñlõñ ilo air kajerbal Bible Teach book eo ñan jino Bible study ko.

Elikin an kajemlok Bible Teach book eo im ri katak eo ej emõn an wõnmanlok wõt, inem kwoj aikwij in katak ibben kiõ kin Worship God (Kabuñ ñan Anij eo Wõt Emol) book eo. (Kol. 2:7) Peij 2 ej kamelele kin unin book in: “Bible eo ej rejañ aolep ro rej yokwe Anij ñan air ‘kanuij jela . . . mũlõlin, im utiejen’ nan ko an remol im aorõk. (Dri Epesõs 3:18) Kar keboje book in kin un in. Kimij kejatdikdik bwe enaj jibañ yuk ñan rittolok ilo jitõb im bojak ñan etetal ilo ial eo eaidik ej tellok ñan mour ilo lal eo ekãl im wãnik an Anij.”

Elañe ri katak eo ej tellokin baptais mokta jen an kajemlok book kein ruo, ej aikwij wõnmanlok wõt im katak mae ien eo ej kajemlok book eo kein karuo. Meñe emwij an ri katak eo baptais, ri kwalok eo ej katak ibben emaroñ bwini wõt awa eo, return visit eo, im Bible study eo. Eo mõttan me ej jerbal ibben im bõk kunan emaroñ bareinwõt bwinbwin an awa.