“Komin Bõk Aõ Ine Im Likite I Aerami”
1 Ilo juõn lal eobrak kin ijjibed im inebata ko, jej ainemõn ikijen ad bõk nan in kir eo an Jesus ñan lo lañliñ iumin ine eo an. (Mat. 11:29, 30) Bõk ine eo kin jerbal in ri kalor ekitibuj bõk kunad ilo juõn jerbal me ejjab baj bin wõt ak ej bareinwõt kalañliñ. Ekitibuj kwalok nan kin news eo emõn kin Ailiñ eo im jibañ ro jet ñan lo lañliñ ibbed iumin ine eo ejoij an Jesus.—Mat. 24:14; 28:19, 20.
2 Lañlin Jen Jerbal in Kwalok Nan: Jesus ear jab jiroñ ri kalor ro an bwe ren kobaik men eo ear ineke ñan men eo rar ineke. Ear kir ir ñan jolok men eo eddo rej ineke im bõk inek eo an emera. Jejamin naj bar eddodo kin inebata ko im men ko ejelok air kejatdikdik ilo jukjuk im bed in; im jejamin jerbal ñan mweiuk ko ejelok tokjeir. (Luk 21:34; 1 Tim. 6:17) Kabuñ ñan Anij ej men eo moktata ilo mour ko ad, meñe jej boub im jej aikwij jerbal ñan kabwe aikwij ko ad kajjojo ran. (Mat. 6:33) Jenaj aolep ien lo bwe jerbal in kwalok nan ekalañliñ, ejjab juõn men eddo, elañe jej kajimwe wõt ad lemnak kin men eo eaorõklok.—Pil. 1:10.
3 Emol, jej mõnõnõ in konono kin jabdewõt men ej bed ilo buruõd. (Luk 6:45) Aolep Ri Christian ro rej kea kin Jehovah im jerammõn ko kin Ailiñ eo an me ear kallimur kake. Kin men in, elukkun kalañliñ ñe jej kennan kin “gospel in men ko remõn” im likit ilikid inebata ko ad ilo ien eo jej jerbal in kwalok nan! (Rom. 10:15) Emol, an laplok ad kõmmane juõn men, enaj laplok ad kabel im jenaj iion elaplok lañliñ. Kin men in, ad kõnan kalaplok ien ñan jerbal in kwalok nan, elañe jej maroñ, enaj bõktok lañliñ elap. Im jelukkun kõketak ñe armij ro rej roñjake kij! (Jerb. 15:3) Meñe jej iion armij ro rejjab itoklimo ak rej jumae, jerbal in kwalok nan enaj bõktok lañliñ ilo jitõb elañe jej lemnak bwe kate ko ad rej kamõnõnõik Jehovah im jabdewõt tokjen ko remõn renaj walok ikijen kajerammõn eo an.—Jerb. 5:41; 1 Kor. 3:9.
4 Ilo ad bõk nan in kir eo an Jesus, jej lañliñ kin jerammõn eo ñan jerbal ibben einwõt Ri Kennan ro an Jehovah. (Ais. 43:10; Rev. 1:5) Ejelok jabdewõt men enaj bõktok lañliñ ijellokin wõt men in!