Kwomaroñ ke Kalaplok Ijo Kwonam ilo Kwalok Nan?

1. Ta aikwij eo ej menin ekaiuriur kin jerbal in kwalok nan, im etke?

¹ Kin an Jisõs kile joñõn an laplok itoklimo iben elõñ kin nuuj eo emõn kin Ailiñ eo, ear katakin dri kaloran bwe ren “jar ñõn Iroij in marmir, bwe En jilkinlok ro dri jerbal ilo jonikõn eo An.” (Mat. 9:37, 38) Ke jej ber ilo auõ ko eliktata kin jerbal in marmir eo, jerbal eo ar elaplok an menin ekaiuriur jen mokta. Melelen jenaj aikwij jar im kalomõnlokjen kin wãwen jemaroñ kalaplok ijo kwonad ilo ar kwalok nan.​—Jon 14:13, 14.

2. Ewi wãwen jet rar emakõt ikijen kir eo kin lõñlok in dri kwalok ro?

² Kalaplok Ar Jerbal: Kin tel im jibõñ eo an Jeova, elõñ rar maroñ bõk jerbal in pioneer. (Sam 26:2, 3; Pil. 4:6) Jet rar lukkun kate ir in auxiliary pioneer iomin juõn ak elõñlok aliñ ko ilo juõn yiõ. Bebe in ear juõn wãwen emõn bwe ren kalaplok air kwalok nan. Mõnõnõ eo rar loe ilo jerbal in ear kamakõt ir bwe ren bõk jerbal in regular pioneer.​—Jerbal 20:35.

3. Elañe kwar pioneer moktalok, ta eo kwomaroñ lemnok kake kiõ?

³ Kwomaroñ ke Bar Bõk Jerbal in Pioneer?: Elañe kwar jerbal einwõt juõn pioneer ilo ien ko lok, alikar kwoj kememej wõt ien ko rar kamõnõnõ. Kwonañin ke jar im lemnok elañe kwomaroñ bar rol ñõn jerbal in? Bwelen wãwen ko rar kautameik yuk jen am kar jerbal in pioneer rejoko kiõ. Inem emaroñ bar bellok ien in ñõn am bar bõk jerammõn in.​—1 Jon 5:14, 15.

4. Jerammõn it eo ejej uan ebellok ñõn kij aolep?

⁴ Jemlokõn jerbal in marmir eo ej ebak. (Jon 4:35, 36) Kij kajjojo jen mõke etale wãwen ber eo ar im lale elañe jemaroñ kõmõn oktõk ilo lajrõk ko ar bwe jen maroñ kalaplok kwonad ilo ar kwalok nan. Ak elañe ejelok ar maroñ, jemaroñ ke kakõmõnmõnlok kilen ar kwalok? (Mark 12:41-44) Juõn jerammõn elap im ejej uan ebellok ñõn aolep ro im remõnõnõ in kõtlok bwe Jeova en kajerbal ir ilo jerbal in!​—Sam 110:3.