Nebar Jeova Kajjojo Ran
1. Ro dri korijeran Anij eor air itoklimo bwe ren it, im etke?
1 Kiñ Devid ear kwalok an itoklimo ñõn nebar Jeova “ran otemjej,” ñõn in drio im in drio. (Sam. 145:2, 7, 21) Bar kij eor un ko remõn bwe jen nebar Jeova kajjojo ran.—Sam 37:10; 145:14, 18; 2 Pit. 3:13.
2. Ewi wãwen baamle ko remaroñ nebar Jeova kajjojo ran?
2 Ilo Moko Imõd: Eor iber buk ko rej jibõñ kij ñõn bwebwenato kin Anij im Baibel eo ñe jej lale unin tel in ran, ñe jej Kabuñ einwõt juõn Baamle, im ñe jej kapojõk kin kwelok ko an congregation eo. Elõñ baamle ko rej lor juõn mõnit in mõña iben dron juõn alen ilo kajjojo ran. Men in ej kõmõn ien ñõn air bwebwenato im nebar Jeova ilo air jab kaiur. Ien rot kein me ridto ro rej karõki raurõk ñõn katakin ajiri ro nejiir ilo “kaje im kowe an Iroij [Jeova].”—Ep. 6:4; Dut. 6:5-7.
3. Ebellok ien ñõn ta ñe jej ber iben ro jeer im jãter?
3 Iben Ro Jeer im Jãter: Ñe jej kwalok nan ak ber ilo ien kwelok ko, ebellok ien ko remõn ñõn nebar Jeova iben dri tõmak ro mõtar. (Ken. 15:30; Pil. 4:8; Hib. 13:15) Kinke kij aolep jej yokwe Jeova, ebirurulok kwalok ar kamolol kin joij im emõn eo an Jeova ñe jej kennan iben dron.—Sam 106:1.
4. Ilo ien rot ko kwomaroñ nebar Jeova?
4 Iben Ro Rejjab Tõmak: Meñe jejjab maroñ kwalok nan kajjojo ran, ar kennan jidrik iben dri jerbal ro mõtar ak dri jikuul ro mõtar im ro jet kin Jeova im karõk ko an emaroñ kadreklok kejatrikrik eo iben ro emol burueir. (Sam 27:14; 1 Pit. 3:15) Ke ear kelok ilo balun eo, juõn jeer im jãter kõra ear kennan iben eo ej jijõt iturin im men ko ear roñ elap an kainemõn im kakajur e. Ear lelok address im telephone number eo an bwe ren bar maroñ kennan iben dron. Kin an abañ im iñtan ko laplok wõt ilo lõl in, ro dron Jeova rej kwalok wõt ñõn ro im remõnõnõ in roñ “nan emõn” kin men ko remõnlok. Men in ej lelok juõn kejatrikrik ñõn ro jet im kamakõt ir bwe ren nebar Jeova.—Ais. 52:7; Rom. 15:11.
5. Etke elap ar kõnan nebar Jeova, im men in emaroñ kõtõbrak ta?
5 Elap an Jeova mõnõnõ ilo an roñjake ro dri korijeran ñe rej nebar e kajjojo ran! Einwõt menin kõmõnmõn ko an Jeova ibelakir, bar kij jemaroñ nebar e ilo moko imõd, ilo congregation eo, im ñe jej kennan iben ro rejañin erom dri korijeran Jeova.—Sam 19:1-4.