Jerbal eo Eaurõktata
1. An lap ar kamolol kin jerbal in kwalok nan enaj kamakõt kij ñõn kõmõn ta?
1 Etke ekkã ar bõk nan in rejañ ñõn kõmat ar maroñ ikijen ien ko ar, kajur ko ar im men otemjej iber ñõn jerbal in kwalok nan? Kinke ebar ejelok juõn jerbal eaurõklok! Ar kile tokjen jerbal in ñõn elõñ enaj kalaplok kõnan eo ar ñõn bõk kwonad ilo jerbal in im ejamin bar walok.—Jerb. 20:24.
2. Ewi wãwen ar kwalok nan ej jibõñ ñõn kokwojarjar ãt eo elap etan Jeova?
2 Ej Kokwojarjar Etan Jeova: Jerbal in kwalok nan ej kalikar bwe Ailiñ eo an Jeova ikijen Jisõs Kraist enaj binej jenkwon aolep kien ko an armij im enaj kamarmire aolep abañ ko an lõl. (Matu 6:9, 10) Ej kalikar bwe Jeova wõt emaroñ lomoren kij jen nañinmij im mij. (Ais. 25:8; 33:24) Ke jej bõk ãt eo etan, ro im rej lo jerbal ko remõn im kijejeto eo ar remaroñ kaibujuij e. (1 Pit. 2:12) Elap an juburuer ñõn kwalok etan Iroij Potata eo, Jeova, ibelakin lõl!—Sam 83:18.
3. Ta jerammõn ko rej itok ñõn ro rej mõnõnõ in bõk ennan eo kin Ailiñ eo?
3 Ej Lomoren Armij: Jeova ej “jab kõnan bwe jabrewõt en joko, a bwe ren otemjej itok im ukwelok ibeir.” (2 Pit. 3:9) Bõtab, ñe ejelok juõn ñõn katakin ir, ekijkan air maroñ katak kin lemnok eo an Jeova kin mwil emõn ak mwil enana? (Jona 4:11; Rom 10:13-15) Ñe kajjojo armij ro rej bok nuuj eo emõn, mour eo air ej emõnlok ilo air jolok mõnit ko renana. (Maika 4:1-4) Bareinwõt, rej bok kejatrikrik eo ekalõñliñ kin mour indrio. Ar niknik in kwalok nan im katakin ej lomoren kij kab ro rej roñjake kij. (1 Tim. 4:16) Ñõn bõk kwonad ilo jerbal in elap an aurõk ej juõn jerammõn elap!
4. Etke jej aikwij kõmat ar maroñ ilo jerbal in kwalok kin Ailiñ eo im ñõn kõmõn dri kalor?
4 Mõtõn wõt jidrik iñtan eo elap ilo idriñ enaj kajemlok lõl in me ejjab wãnik. Ro rej kabuñ ñõn Jeova renaj ellã im mour. Kin men in, jerbal in kwalok nan im kõmõn dri kalor ej jerbal eo ej mõke wõt aurõk im menin ekaiuriur im elap tokjen ilo ran kein ar. Jen likiti iman men otemjej ilo mour eo ar!—Matu 6:33.