Jej Aikwij Debij Kijejeto eo Ad kin Jerbal in Kwalok Nan
1 Kajjojo yiõ jen kar 1992 eo, Ri Kennan ro an Jehovah rar kijejeto in kajerbal elõñlok jen juõn billion awa ko ilo jerbal in kwalok kin Ailiñ eo im kõmman ri kalor ro ibelakin lal. Jelukkun mõnõnõ bwe ekar wõr ijo kunad ilo tõbrak in!—Mat. 28:19, 20.
2 Emol, aolep kamolol im nebar rej ñan Jehovah, eo me ej rejetake kij ilo jerbal in kwalok nan ilo “ien [kein] renana.” (2 Tim. 3:1) Ta eo ej menin aikwij ñan kij bwe jen maroñ wõnmanlok wõt im bõk kunad ilo kijejeto kin jerbal in eaorõk?
3 Bedbed in Kijejeto: Yokwe eo emũlal kin Anij im ri turid, im bareinwõt kõnan eo ad ñan kajejjet wujleplok eo ad, enaj kamakit kij ilo jerbal eo ad kin Ailiñ eo. (Mat. 22:37-39; 1 Jon 5:3) Yokwe ej kamakit kij ñan karmijeteik kij make bwe jen maroñ lukkun bõk kunad ilo jerbal in kwalok nan.—Luk 9:23.
4 Lukkun Kate ñan Debij Kijejeto: Ri jumae eo ad Devil eo ej lukkun kate ñan kõmman bwe en diklok kijejeto eo ad kin jerbal in kwalok nan. Jab itoklimo eo an ro ilo territory eo ad, kein kamad ko an lal in, ijjibed ko ilo mour, im inebata kin an nanalok ejmour rej jet ian men ko ej kajerbali ilo an kajeoñ kate ñan kabwer kij.
5 Inem, jej aikwij lukkun kate kij ñan debij kijejeto eo ad bwe en kajur wõt. Elukkun aorõk bwe jen kaddeklok ‘yokwe eo ear bed ibbed mokta.’ Ekitibuj ad read ien otemjej im kalmenlokjen kin Nan in Anij, Bible eo, im kortokjen aolep kein jibañ ko Jehovah ej litok ñan kabin tõmak eo ad ikijen “dri korijer e tiljek im meletlet.”—Rev. 2:4; Mat. 24:45; Sam 119:97.
6 Einwõt an kanan ko ilo Bible eo lukkun kalikar, ran in kokkure eo an Jehovah kin armij ro renana ej ebaktok. (2 Pit. 2:3; 3:10) An alikar menin ibbed, jen lukkun kate ñan kaddeklok kijejeto eo ad kin jerbal in kwalok nan, ilo ad bõk kunad joñan wõt ad maroñ ilo jerbal in kwalok kin Ailiñ eo im kõmman ri kalor ej kiõ walok!