“Komin Bõplolimi ilo Mour in Kristian”
1. Ta karkar eo en kar alikar ilo ar kwalok nan?
1 Ilo aolep jerbal ko an Kristian jej aikwij wõnmanlok wõt. Jej bok nan in rejañ in bwe “[jen] bõplolin ilo [ar]” im “[jen] jerbal ñõn Iroij.” (Rom. 12:11) Bõtab, elõñ men ko im remaroñ kadriklok ar kijejeto kin ar jerbal in kwalok nan. En ewi wãwen ar maroñ “kenokle” kijejeto eo ar kin ar jerbal ñõn Ailiñ eo?—2 Tim. 1:6, 7.
2. Ta kõtan eo ilo ar keini ar katak iber mõke im ar kijejeto in kwalok nan?
2 Katak Baibel Ibõm Mõke: Juõn dri kwalok kin Ailiñ eo ekabel ej juõn eo im emol an yokwe kien Anij im ej lel buruen kin mol eo. (Sam 119:97) Ñe jej mõke katak im lo mweiuk kein raurõk ilo Baibel, ej kamakõt buruer im kalaplok kijejeto eo ar. Yokwe eo ar kin Dri Letok mol kein im ar mõnõnõ in lelok melele kein remõn ñõn ro jet ej kamakõt kij bwe jen nebar Anij im kwalok etan ñõn aolep. (Hib. 13:15) Inem ealikar, ar kijejeto in kwalok nan ej kamol ar kaurõk tokjen mol eo.
3. Ewi wãwen jitõb eo an Anij emaroñ jelet ar kwalok nan?
3 Jar kin Jitõb eo an Anij: Kabel ilo kwalok nan ejjab walok jen kajur ko ar mõke. Kijejeto eo emol ej itok ñe ejelok jabrewõt men eo ej bõprae jitõb eo an Anij jen kij. (1 Pit. 4:11) Ar druaklok ñõn Unjen “kajur elap” enaj kamaroñ kij bwe jen beran ilo kwalok nan. (Ais. 40:26, 29-31) Ke dri jilik Paul ear iion abañ ko ilo an kwalok nan, ear “bõk jibõñ jen Anij.” (Jerb. 26:21, 22) Jitõb kwojarjar eo an Jeova emaroñ jibõñ kij bwe jen bõplolid ilo ar kwalok nan, kin men in jen jar kake.—Luk 11:9-13.
4. Ta tõbrõk ko remaroñ walok ikijen kijejeto, ak ta karkar ko jej aikwij kwaloki?
4 Kijejeto eo ar elap ilo jerbal in kwalok nan kin Ailiñ eo ekkã an kamakõt dri Kristian ro mõtar bwe air kijejeto en laplok. (2 Kor. 9:2) Ilo jikin eo jej kwalok nan ie, enaj birurulok an armij ro reel kin nan eo ñe jej kwalok ilo kijejeto im tõmak. Bõtab, ar kijejeto en aolep ien ilo joij im inemõn. (Taitõs 3:2) Ien otemjej, jen koutiej dri mweo im kile bwe maroñ in kãlet ej ber.
5. Ta nan in kakabilek ko ilo Baibel jej aikwij jerbali?
5 Kinke jej dri kwalok ro kin Ailiñ eo, aolep ien jen “bõplolid.” Jen kalaplok ar kijejeto ilo ar katak Baibel iber mõke im eowore Jeova ilo jar, kinke e eo emaroñ letok jitõb kwojarjar eo ekajur. Ilo wãwen in, jenaj kwalok nan ilo kijejeto im kin “kajur im ilo Jitõb Kwojarjar.”—1 Tes. 1:5.