Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo Eprõl̦

“Elõñ armej rej ba bwe Jijej ej aer Ri Lo̦mo̦o̦r. Ilo Baibõl̦ eo, ej bar kwal̦o̦k bwe Jijej ej nejin Anij. Kõnke Anij im Jijej rej jetõb, kwõnañin ke baj l̦õmn̦ak kõn etke Baibõl̦ ej ba bwe Jijej ej nejin Anij? [Kõtl̦o̦k an uwaak.] Lale m̦õk ta eo bok in ej ba.” Kwal̦o̦k ñane katak eo itulikin Naan in Keeañ eo an M̦aaj, im etale ippãn mel̦el̦e ko ium̦win kajjitõk juon im eoon ko ie. Lel̦o̦k bok eo, im karõk ñan bar jepl̦aak im etale kajjitõk eo tok juon.

Naan in Keeañ M̦aaj 1

“Jet armej rej kajjitõk kõn ewi wãween ad jel̦ã bwe Jijej ear jerkakpeje. Em̦õj ke am̦ baj kajjitõk ippam̦ make kõn men in? [Kõtl̦o̦k an uwaak.] Uwaak eo ñan kajjitõk in eaorõk. Jen lale etke. [Riit 1 Korint 15:​14, UBS.] Bok in ej kõmel̦el̦e kõn etke jejel̦ã bwe jerkakpeje eo an Jijej ear lukkuun wal̦o̦k.”