Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo Jãnwõde

“Elõñ kain mel̦el̦e ko an armej kõn Anij. Jet rej l̦õmn̦ak bwe Anij ej ãinwõt juon men ekajoor. Ro jet rej l̦õmn̦ak bwe ej Jemãdwõj ilañ im ej yokwe kõj. Ak baj kwe, kain Anij rot e?” Kõtl̦o̦k an uwaak. Kwal̦o̦k ñan e tulikin Naan in Keeañ an Jãnwõde, im etale kõmel̦el̦e ko ium̦win kajjitõk eo kein kajuon im riiti juon iaan eoon ko ie. Lel̦o̦ke bok eo, im kõm̦m̦an karõk ñan bar jepl̦aak im etale kajjitõk eo kein karuo.

Naan in Keeañ Jãnwõde 1

Kõmij lotok armej ro im bwebwenato ippãer jidik kõn juon men me ejelõt kõj aolep. Men in ej ñe ro jej yokwe er rej mej. Kwõj errã ke bwe elukkuun pen ñe juon ejitõnbõro ippãd emej? [Kõtl̦o̦k an uwaak.] Ewõr juon eoon me ear kaenõm̦m̦an elõñ armej ro. [Riit Aiseia 25:8, UBS] Bok in ej kõmel̦el̦e kõn kallim̦ur eo ilo Baibõl̦ bwe juon iien enaaj ejjel̦o̦k bar mej im bwe ro rejitõnbõro ippãd renaaj bar mour.

Jino Katak Baibõl̦ Ippãn Armej ro ilo Jãdede eo M̦oktata ilo Pãpode

“Armej ro jej kõnono ippãer ekajjo mel̦el̦e ko aer kõn Baibõl̦. Jet rej tõmak bwe ej Naan in Anij, ak ro jet rej watõke bwe ej juon bok bajjek. Ta l̦õmn̦ak eo am̦ kõn Baibõl̦ eo?” Kõtl̦o̦k an uwaak. Kwal̦o̦k ñan e tulikin Naan in Keeañ eo an Pãpode 1, im etale kõmel̦el̦e ko ium̦win kajjitõk eo kein kajuon im riiti juon iaan eoon ko ie. Lel̦o̦k ñan e bok eo, im kõm̦m̦an karõk ñan bar jepl̦aak im etale kajjitõk eo kein karuo.

Naan in Keeañ Pãpode 1

“Elõñ rekõn̦aan bwe en jem̦l̦o̦k tarin̦ae. Kwõj tõmak ke bwe juon iien enaaj wõr aenõm̦m̦an ilo lal̦ in? [Kõtl̦o̦k an uwaak.] Lale m̦õk ta eo Baibõl̦ ej kallim̦ur kake. [Riit Sam 46:9.] Men ko rar wal̦o̦k ilo Pata eo an Lal̦ Kein Kajuon im ãlikin kar Pata eo rej kam̦ool bwe m̦õttan jidik Anij enaaj kajejjet kanaan in ñan kõjem̦l̦o̦k tarin̦ae ñan indeeo. Bok in ej kõmel̦el̦e kõn men in.”