Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo Pãpode

“Kõm kõn̦aan baj kwal̦o̦k juon kajjitõk ñan kwe. Kwõjel̦ã ke etan Anij? [Kõtl̦o̦k an uwaak.] Lale m̦õk ta eo bok in ej ba.” Lel̦o̦k Naan in Keeañ eo an Jãnwõde im kwal̦o̦k katak eo ilo peij eo ãliktata in bok eo. Etale ippãn kõmel̦el̦e ko ium̦win kajjitõk juon im eoon ko ie. Lel̦o̦ke bok eo, im karõk ñan bar jepl̦aak im etale kajjitõk eo tok juon.

Naan in Keeañ Jãnwõde 1, 2013

“Elõñ armej rej kõnnaan kõn jem̦l̦o̦kin lal̦ in. Ta baj l̦õmn̦ak n̦e am̦, jej aikuj ke mijak jem̦l̦o̦kin lal̦ in? [Kõtl̦o̦k an uwaak.] Ekkar ñan Baibõl̦, enaaj wõr ro im renaaj el̦l̦ã im mour. [Riit 1 Jon 2:17.] Bok in ej kwal̦o̦k uwaak ko jãn Baibõl̦ ñan emãn iaan kajjitõk ko me ekkã an armej ro kajjitõk kaki kõn jem̦l̦o̦kin lal̦ in.”

Jino Katak Baibõl̦ Ippãn Armej ro kõn Peba (Tract) eo etan Kwo Kõnan ke Jela Mol Eo?

Kwal̦o̦k ñan ri m̦weo peba (tract) eo etan, Kwo Kõnan ke Jela Mol Eo? im kwal̦o̦k kajjitõk ko ilo peij eo jinointata. Innem ba: “Erkein ej jet iaan kajjitõk ko me Baibõl̦ ej uwaaki. Kwõnañin ke kajjitõk ippam̦ make kõn juon iaan kajjitõk kein?” Ãlikin an armej eo uwaak, komiro etale uwaak in kajjitõk eo ear kããlõte jãn peba eo, im riiti juon iaan eoon ko. Karõk ñan bar jepl̦aak im bar etale juon iaan kajjitõk ko jet.