Wãween eo Emaroñ Jipañ Kõj ñan Kile Aorõkin Ad Aikuj Kwal̦o̦k Naan

Elukkuun menin aikuj ñan ad kal̦apl̦o̦k ad kijejeto im kwal̦o̦k naan ñan armej ro kiiõ. Men in enaaj kõm̦m̦an bwe jen maroñ el̦l̦ã im mour jãn iien eo naaj ko̦kkure jukjukun pãd in. Ñe jenaaj l̦oore naanin kakapilõk ko ilal̦, enaaj jipañ kal̦apl̦o̦k ad kile bwe emenin ekkaiuriur ñan kwal̦o̦k naan kiiõ.

• Ekkeini am̦ jar kõn Aelõñ eo an Anij.​—Matu 6:10.

• Kõjparok bũruom̦ ilo am̦ riit Baibõl̦ kajjojo raan.​—Hi. 3:12, UBS.

• Kõjerbal iien ko am̦ ilo mãlõtlõt.​—Ep. 5:15, 16, UBS; Pil. 1:10, UBS.

• “Kalimjek wõt” men eo im̦aan. Im jab kõtl̦o̦k bwe men ko ilo lal̦ in ren kõm̦ad eok.​—JK. 4:25, UBS; Matu 6:25; 2 Ti. 4:10.

• Kwõn ekkõl wõt ilo am̦ lale ta ko rej wal̦o̦k ilo lal̦ in im rej kajejjet kitien kanaan ko ilo Baibõl̦.​—Mark 13:35-37, UBS.

Ñe jej kwal̦o̦k ad kijejeto im kaiur kõn jerbalin kwal̦o̦k naan, men in enaaj kõm̦akũt kõj ñan kal̦apl̦o̦k ijo kun̦aad ilo jerbal in me m̦õttan jidik enaaj jem̦l̦o̦k!​—Jon 4:34, 35, UBS.