Lel̦o̦k “Men ko Rem̦m̦an” ilo Ad Kwal̦o̦k Karwainene (Matu 12:35)

Kõj aolep jekõn̦aan lel̦o̦k “men ko rem̦m̦an” ñan ro jet. Juon wãween jej kõm̦m̦ane men in ej ilo ad ‘kadel̦o̦ñ ro ruwamãejet im̦õko im̦õd.’ (Rom 12:13, UBS) Em̦õj jiroñ em̦m̦aan ro rej lale eklejia bwe ren loloorjake men in ikijjeen aer naajdik rilotok ro rej itok im kõm̦m̦an katak ilo eklejia eo aer im bar kõl̦l̦ã on̦ãn ial̦ in aer itoitak. Bõtab, jemaroñ ãliklik in kwal̦o̦k karwainene ñan ro jet kõn an jab lukkuun lõñ ad jããn ak kõn ad mijak in bõk er ñan m̦weo im̦õd. El̦aññe jej keememej naanin kakapilõk eo an Jijej ñan Marta, men in enaaj jipañ kõj ñan jab bõk l̦õmn̦ak kein. (Luk 10:39-42, UBS) Jijej ear kaalikkar bwe ‘men eo jej aikuji’ ñe jej kwal̦o̦k karwainene ej kõm̦m̦ao ippãn ro m̦õttad im rõjañ doon. Ejjab aorõk ñan kõm̦m̦ane juon m̦õñã l̦apl̦ap ak bwe m̦weo im̦õd en lukkuun em̦m̦an im aiboojoj. Ñe jej l̦oore naan in kakapilõk in, kõj aolep jenaaj maroñ lel̦o̦k “men ko rem̦m̦an” ñan ro jeid im jatid ãinwõt an Naan in Anij ba.​—3 Jon 5-8.