Kwal̦o̦k kõn jw.org Ñe Kwõj Kwal̦o̦k Naan—“Become Jehovah’s Friend”

Ilo ijo ej ba “Bible Teachings” ilo jw.org ewõr juon jikin ñan ajri ro me ej ba “Become Jehovah’s Friend.” Ewõr al, pija in alwõj, im men ko jet ijin. Em̦õj ke am̦ kwal̦o̦k kake ilo jerbalin kwal̦o̦k naan? Ñe kwõj katak Baibõl̦ ippãn juon eo ewõr nejin ajri jiddik, enaaj em̦m̦an ñe kwõnaaj kwal̦o̦k kake. Men in emaroñ bar kõm̦m̦an bwe rũkkatak eo en bar lale men ko jet ilo Weep jait eo ad.

Juon jeid im jatid em̦m̦aan ear leto letak tũrããk eo Nuuj kõn Aelõñ in Anij No. 38. Ke ej lel̦o̦k tũrããk in ñan juon kõrã, liin ear jino an riiti. Ajri ro nejin kõrã in rar lukkuun kõn̦aan jel̦ã kõn tũrããk eo. Kõn men in, em̦m̦aan eo jeid im jatid ear kwal̦o̦k jidik kõn kobban. Bareinwõt, ear kwal̦o̦k atõrej eo an Weep jait eo ad me epãd itulikin tũrããk eo. Kõn an kar kõrã eo kwal̦o̦k an itoklimo, em̦m̦aan in ear kõjo̦e ñan ereañ ajri ro nejin juon iaan pija ko kõn Caleb jãn jeel̦boon eo nejin.

Juon jeid im jatid kõrã ear kwal̦o̦k kõn katak ko kõn baam̦le me repãd ilo Weep jait eo ñan juon iaan rijerbal ro m̦õttan me elõñ nejin. Kõrã eo im ajri ro nejin rar etal ñan Weep jait in. Tokãlik ear ba ñan kõrã eo jeid im jatid bwe ajri ro nejin rar ettõr to ettõr tak ilowaan m̦weo ak rej al kõn al eo ej ba, “Preach the Word.” Al in ej m̦õttan al ko rej wal̦o̦k ium̦win taitõl̦ in “Become Jehovah’s Friend,” ilo Weep jait eo ad.

Em̦m̦an ñe jejel̦ã kõn ijin ilo jw.org im taunl̦outi pija in alwõj ko, al ko, im men ko jet ñan jeel̦boon eo nejid. Ad kõm̦m̦ane wãween in enaaj jipañ kõj ñan pojak in kõjerbale ilo kwal̦o̦k naan. Men in ej juon iaan kein jerbal ko raorõk im rej jipañ kõj ñan jerbal ñan Irooj.—Jrb. 20:19.