Jen Kijejeto im Rõjañ Doon kõn Jerbal ko Rem̦m̦an

Hibru 10:24 ej ba bwe “jen lale wãween ad maroñ rõjañ doon ñan yokwe im jerbal ko rem̦m̦an.” Jemaroñ rõjañ ro jeid im jatid ikijjeen ad likũt juon joñak em̦m̦an ñan er im ikijjeen ad kwal̦o̦k kõn tõmak eo ad. Bwebwenato ippãn ro jet ilo eklejia eo am̦ kõn wãween ko rem̦m̦an kwaar iiooni ilo kwal̦o̦k naan. Kwal̦o̦k ñan er bwe el̦ap am̦ lañlõñ ilo am̦ karejar ñan Jeova. Bõtab, kõjparok bwe kwõn jab keidi eok make ñan er ak ro jet ñan er. (Ga. 6:4, UBS) Pukot wãween ko ñan am̦ kakajoor er ak rõjañ er ñan kwal̦o̦k “yokwe im jerbal ko rem̦m̦an,” ejjab ñan kananaik aer mour bwe ren kõm̦m̦ani jerbal ko rem̦m̦an. (Lale bok eo Ministry School, p. 158, pãr. 4.) El̦aññe jej rõjañ doon ñan kwal̦o̦k yokwe, innem enaaj wal̦o̦k ilo jerbal ko ad. Jenaaj kõm̦m̦ani men ko rem̦m̦an ñan ro jet ãinwõt jipañ er kõn aikuj ko aer ak kwal̦o̦k naan ñan er.—2 Ko. 1:24.