Kõjerbale Naanin Anij ilo Jim̦we ilo Kwal̦o̦k Naan

Ñe juon armej ej m̦õn̦õn̦õ in roñjake ad kwal̦o̦k kõn nuuj eo em̦m̦an, jej kortokjãn iien eo im kaalikkar kajoorin Naanin Anij. Jej kõm̦m̦ane men in ilo ad riitil̦o̦k ñane eoon ko jãn Baibõl̦. Kar kwal̦o̦k aorõkin ad kõm̦m̦ane men in ilo kar kweilo̦k el̦ap eo etan “Naanin Anij Ej Jerbal Wõt.” Kar etan juon iaan katak ko rar wal̦o̦k ilo kweilo̦k el̦ap in ej “Kõjerbale Naanin Anij ilo Jim̦we ilo Kwal̦o̦k Naan,” im em̦m̦aan eo ej lol̦o̦k eklejia ko ear kwal̦o̦ke katak eo. Kwõj keememej ke boin ko rel̦l̦ap jãn katak in?

• Etke naan ko an Jeova rekajoorl̦o̦k jãn naan ko ad?—2 Ti. 3:16, 17.

• Elemen an Baibõl̦ kõm̦akũt bũruon armej, kajim̦we l̦õmn̦ak im kõttõpar ko aer, im ukot mour ko aer?—Lale Naan in Keeañ eo an Juun 1, 2012, p. 30, pãr. 7.

• Ñe jej riiti juon eoon ñan juon armej jej iioone ilo kwal̦o̦k naan, ewi wãween ad maroñ jitõñl̦o̦k ñan Naanin Anij ilo juon wãween me enaaj kõm̦m̦an menin an armej in kwal̦o̦k an kautieje?—Lale bokin jikuul̦ eo (Ministry School) p. 148, pãr. 3-4 im Ad Jerbal ñan Anij eo an M̦aaj 2013, p. 6, pãr 8.

• Etke eaorõk bwe jen kõmel̦el̦e im kwal̦o̦k mel̦el̦e ko jãn eoon ko jej riiti, im ewi wãween ad maroñ kõm̦m̦ane men in?—Jrb. 17:2, 3; lale bokin jikuul̦ eo (Ministry School) p. 154, pãr. 4 ñan p. 156, pãr. 5; im Imõniaroñroñ eo an Pãpode 15, 2010, p. 13-14, pãr. 16-17.