Wãwen ñõn Jino Katak Baibel Iben Armij ro kin Buk eo Baibel Ej Katakin
Elõñ iar jen kar mõnõnõ in katak Baibel iben ro jet elañe jar jela kilen ar ijjino. Buk eo ekãl Ta eo Baibel Ej Lukkun Katakin? emaroñ jibõñ kij. Emwij karõki nan in kebellok ko ilo peij 3-7 bwe dri mweo en bwebwenato kin Baibel eo ikijen buk in. Bar ro rejaminene ilo kwalok nan renaj lo bwe enaj biruru air kajerbale ñõn jino katak iben armij ro.
◼ Kwomaroñ kajerbal nan in ijjino ko ilo peij 3:
Mwijin am kennan kin ta eo ear walok ilo nuuj ak juõn men ej jelet ro ilo bukwon eo am, kwon jitõñ dri mweo ñõn kajitõk ko remeej ilo peij 3, im kõtlok bwe ren uak. Inem kebellok ñõn peij 4-5.
◼ Ak kwomaroñ ijjino ilo am kwalok jen peij 4-5:
Kwomaroñ ba, “Ejamin ke kar juõn men elukkun emõn elañe men kein ilo pija in rej lukkun walok?” Ak kwomaroñ kajitõk, “Ewi ian kalimur kein kwokõnan lo an jejit kitien?” Lukkun roñjake an uak.
Elañe dri mweo ej kalikar an lukkun itoklimo kin juõn ian eon ko, kwalok ta eo Baibel ej katakin kake ilo am etale pãrokõrããp ko ilo buk eo me rej kemelele kin eon eo. (Lale box eo ilo peij in.) Etale melele ko einwõt am kõmõne ñe kwoj katak iben juõn dri katak Baibel. Kwomaroñ kõmõne men in iomin lailim ñõn joñoul minit ilo am jutõk iman kejem in mweo.
◼ Bar juõn wãwen ej ilo am rejañ dri mweo ñõn an kwalok lemnok eo an ilo am kajerbal peij 6:
Ba ñõn dri mweo bwe en etale kajitõk ko itu-lõlin peij in, im kajitõkin e, “Kwo nañin ke lemnok kin jabrewõt ian kajitõk kein?” Elañe ej kalikar an itoklimo ilo juõn ian kajitõk ko, kebellok ñõn pãrokõrããp ko ilo buk in me ej uake kajitõk eo. (Lale box eo ilo peij in.) Ilo am etale melele ko iben dron, kwoj katakin e kin Baibel eo.
◼ Kwomaroñ kajerbal peij 7 ñõn kwalok kilen ar katak Baibel:
Riiti sentence ko jilu ilo jinoin peij in, inem kebellok ñõn japter 3 pãrokõrããp 1-3 im kwalok juõn wanjoñok kin kilen ar katakin armij. Karõk ien ñõn am bar jeblak im etale uak ko ñõn kajitõk ko ilo pãrokõrããp 3.
◼ Wãwen karõk am jeblak:
Mokta jen am kajemlok lolok eo am moktata, karõk ñõn am maroñ bar jeblak im wõnmanlok kin bwebwenato eo. Kwomaroñ ba: “Iomin jet wõt minit, jar katak ta eo Baibel ej katakin kake kin juõn men eaurõk. Ñe Ij bar lo yuk, jemaroñ bwebwenato kin [kwalok juõn kajitõk]. Imaroñ ke bar jeblaktok wik in lõl ilo ejja auõ in wõt?”
Ilo ar ebakelok ien eo emwij an Jeova karõke, ej wõnmanlok wõt im letok kein jerbal ko ñõn kõmõne jerbal eo ar. (Matu 28:19, 20; 2 Tim. 3:17) Jen kortokjen kein jerbal in ekãl im elukkun emõn ñõn jino katak Baibel iben armij ro.
[Box ilo peij 3]
Kemelele ko kin Eon ko ilo Peij 4-5
◻ Reveles̃õn 21:4 (peij 27-28, pãr. 1-3)
◻ Aiseia 33:24; 35:5, 6 (peij 36, pãr. 22)
◻ Jon 5:28, 29 (peij 72-73, pãr. 17-19)
◻ Sam 72:16 (peij 34, pãr. 19)
Uak ko ñõn Kajitõk ko ilo Peij 6
◻ Etke jej iñtan? (peij 108-109, pãr. 6-8)
◻ Ewi wãwen jemaroñ kijenmij iomin abañ ko ilo mour? (peij 184-185, pãr. 1-3)
◻ Ewi wãwen ar maroñ kalaplok mõnõnõ an baamle eo ar? (peij 142-143, pãr. 20)
◻ Ta eo ej walok ñõn kij ñe jej mij? (peij 58-59, pãr. 5-6)
◻ Jenaj ke bar lo ro rejitenburu iber me rar mij? (peij 72-73, pãr. 17-19)
◻ Ewi wãwen ar maroñ lukkun jela bwe Anij enaj kajejit kalimur ko an kin ran ko rej ber imar? (peij 25, pãr. 17)