Wãwen Eo Ñan Jinoe Katak Ko ilo Bible Ibben Ro Emwij Air Bõk Magazine Ko
1. Ta mejenkajjik eo ad ñe jej lelok magazine ko?
1 Ilo kajjojo ran in Saturday, ekkã ad leto-letak magazine ko ilo jerbal in kwalok nan. Bõtab, ien in ej buñten ne eo kein kajuõn ilo ad jibadõk mejenkajjik eo ñan katakin ro emol burueir kin mol eo. Ennan ko itu lal rej jet ian wãwen ko ñan lelok book eo Jelãlokjen ilo ien bar jeblak im jino juõn katak kin Bible eo. Kwomaroñ ukõt ennan kein bwe en jejjet ekkar ñan territory eo am im kwomaroñ kwaloke ilo nan ko am make. Kwomaroñ kajerbal bar juõn wãwen ekkar ñan kwe.
2. Ewi wãwen jemaroñ kajerbal peij ko itumanin book eo Jelãlokjen ñan jino juõn katak kin Bible?
2 Kajerbal Peij ko Itujinoin: Ilo ien kwoj bar jeblak, kwomaroñ ba: “Magazine ko iar likit ibbam rej jitõñlok ñan Bible eo. Joij im lale etke ad read Bible ej aorõk.” Read Aiseia 48:17, 18; Jon 17:3; ak bar juõn eon emõn. Inem, elikin am kwalok ñan ri mweo book eo Jelãlokjen kwon leloke, im kwomaroñ wõnmanlok im ba:
◼ “Bible eo ej letok juõn kejatdikdik emol ñan ilju im jeklaj.” Kwalok ñan ri mweo peij 4-5 im kajitõk, “Kij aolep jekõnan bwe ajiri ro nejid ren mõnõnõ ilo juõn lal einwõt pija eo ej kwalok kake. Ewi am lemnak, ta eo enaj aikwij walok ñan bõktok jerammõn kein?” Elañe ri mweo ej mõnõnõ in roñjake, kwon jitõñlok e ñan jinoin Chapter 1 im kwalok kilen kõmmane juõn katak Bible ejelok wõnãn ikijen am etale juõn ak ruo paragraph.
◼ Ak kwomaroñ ba, “Elõñ armij emwij air lo uak ñan kajitõk ko air kin Bible eo ilo air katak book in.” Kabellok ñan peij eo me ej kwalok lajrak in kobban book eo im kajitõk: “Ta ian katak kein kwoj itoklimo kake?” Ãlõklok ñan katak eo rar kãlete. Kamelele kin ewi wãwen kajitõk ko itu lal in peij ko kajjojo rej kwalok point ko relap ilo kajjojo paragraph. Kwalok kilen kõmmane juõn katak kin Bible eo ikijen am bwebwenato jejjo wõt paragraph ko im karõk ñan bar jeblak ibben.
3. Ewi wãwen jemaroñ jino juõn katak kin bible elikin ad likit magazine ko me rej konono kin (a) an nanalok men ko ibelakin lal? (b) family eo? (c) joñan mol eo ilo Bible?
3 Bõkmantak Juõn Kajitõk Ilo Ien Lolok eo Moktata: Bar juõn wãwen ej ñan keboje ri mweo kin am bar jeblaklok ñan e ilo ien lolok eo moktata. Elikin an ri mweo bõke magazine ko, kwon likit juõn kajitõk ibben, im kallimur bwe kwonaj uake ilo lolok eo am juõn. Kajeoñ ñan karõklok iman juõn ien ñan jeblak, im kajejjet am kallimur. (Mat. 5:37) Ñe kwoj jeblak, kakememej ri mweo kin kajitõk eo kwar bõkmantak ilo ien lolok eo mokta, im ilo tu kadu konono im bwebwenato uak eo jen book eo Jelãlokjen. Lelok ñan ri mweo juõn copy kin book in bwe en lore elañe ekõnan. Eñin jet ian wanjoñok ko.
◼ Elañe magazine eo kwar likit ej konono kin an nanalok men ko ibelakin lal, kwomaroñ ba, “Bar juõn ien jemaroñ bwebwenato ibben don kin uak eo an Bible ñan kajitõk eo, Ta oktak ko Anij enaj bõktok ion lal?” Kwalok ñan ri mweo peij 182-4 ñe kwoj jeblak. Ak kwomaroñ bõkmantak kajitõk in, “Etke Anij ej kõtlok an wõr eñtan?” Ilo ien bar jeblak, kwalok ñan ri mweo paragraph 3-5 ilo katak 8.
◼ Elañe magazine eo kwar likit ej konono kin family eo, mokta jen am illok kwomaroñ bõkmantak kajitõk in, “Ta eo kajjojo uan family eo emaroñ kõmmane ñan kamõnõnõlok juõn mour in family?” Ilo ien eo kwoj jeblak kwomaroñ etale ibben ri mweo paragraph 22-23 ilo katak 15.
◼ Elañe magazine eo kwar likit ej konono kin joñan mol eo ilo Bible, kwomaroñ bõkmantak kajitõk in ilo bwebwenato eo juõn, “Bible eo ej jejjet ke ñan science?” Ilo ien bar jeblak, etale paragraph 14 ilo katak 2.
4. Ta eo jemaroñ kõmmane elañe ri mweo ejjab mõnõnõ in bõke book eo Jelãlokjen?
4 Ilo jemlokin kajjojo bwebwenato, bõkmantak bar juõn kajitõk me kwonaj uaki ilo lolok eo juõn. Ñe ej ekkeini an katak, katak book eo ilo lajrak jen jinoin ñan jemlokin. Ta eo jemaroñ kõmmane elañe ri mweo ejjab kõnan bõk book eo Jelãlokjen? Kwomaroñ wõnmanlok im bõklok magazine ko ñan e im bwebwenato ibben don kin Bible eo. Ñe kwoj kaddeklok an itoklimo, bõlen enaj mõnõnõ in katak kin Bible eo ibbem.
5. Etke jej aikwij kate kij ñan katak Bible ibben armij jen ad baj lelok wõt magazine ko?
5 Imõniaroñroñ im Awake! (Ruj!) remaroñ rejañ im kaitoklimoen juõn armij ñan katak kin ta eo Bible eo ej lukkun katakin. Kin men in, jemaroñ kate kij ñan ijjino katak Bible eo ibben ro rej bõk magazine ko. Ilo wãwen in, jenaj bokake nan in jiroñ ko an Jesus ñan kõmmon “dri kalora. . . , im katakin ir.”—Mat. 28:19, 20.