Kwonaj Ke Jinoe Juõn Baibel Study ilo Aliñ in Oktoba?
1. Ta buk in lelok eo ñõn aliñ in Oktoba?
1 Buk in lelok eo ilo aliñ in Oktoba ej Magazine in lelok eo. Rej rejañ kij ñõn lelok tract eo Kwo Kõnan ke Jelã Mol Eo? ñõn jibõñ ro eor air itoklimo im kate kij ñõn jinoe juõn Baibel Study iber. Ewi wãwen ar maroñ kõmõne men in ilo ien eo jej bar jeblak iben armij ro?
2. Ewi wãwen jemaroñ kajerbal tract eo etan Jelã Mol Eo ñõn jinoe juõn Baibel Study ñe jej bar jeblak iben juõn eo ear bõk magazine ko?
2 Wãwen Kajerbal Tract Eo: Jemaroñ ba: “Magazine ko iar likit ibõm rej rejañ aolep armij ro jen jabrewõt ailiñ im kabuñ ko ñõn etale Baibel eo. [Lelok ñõn dri mweo tract eo etan Jelã Mol Eo, im kwon jitõñlok ñõn kajitõk ko ituman in tract eo.] Erkein ej jet ian kajitõk ko rekaitoktoklimo me Baibel eo ej letok uak ko rejejit im kajuburu. Kwonañin ke kar kajitõk ibõm make kin kajitõk kein?” Elikin an dri mweo uak, etale iben dron uak eo ñõn juõn ian kajitõk ko jen tract eo, im riiti juõn ian eon ko ilo tract eo. Inem kwalok ñõn e bwe eñin ej baj juõn wanjoñok kin men ko Baibel ej katakin, im lelok ñõn e buk eo etan Baibel Ej Katakin. Jemaroñ kiõ bwebwenato iben kin pãrokõrããp ko jinoin ilo japter eo ej kãlete jen lajrõk eo ilo peij 2. Ak jemaroñ ãliklok ñõn peij ko rej kwalok kin ejja men eo jar bwebwenato iben dron kake ilo tract eo. Erkein ej jet ian men ko jemaroñ kajerbali:
● Anij ej ke kea kin kij? (jap. 1, pãr. 6-10)
● Tõrinae im iñtan renaj ke jemlok? (jap. 1, pãr. 12-13)
● Ta eo ej walok ñõn kij ñe jej mij? (jap. 6, pãr. 7-8)
● Eor ke kejatrikrik ñõn ro remij? (jap. 7, pãr. 13-15)
● Ewi wãwen aõ maroñ jar bwe Anij en roñjake jar ko aõ? (jap. 17, pãr. 5-8)
● Ewi wãwen imaroñ lo mõnõnõ ilo mour? (jap. 1, pãr. 4-5)
3. Ewi wãwen jemaroñ jela ukoktak ilo ar kwalok nan ekkar ñõn aikwij eo an armij eo?
3 Emol, elañe kin jet un ko jejjab maroñ jino juõn Baibel study im katak kin buk eo Baibel Ej Katakin ilo ien eo jinoin ar jeblak iben armij eo, jemaroñ kõmõn karõk ko ñõn bar jebak im bar bwebwenato iben. Elañe armij eo ej kwalok an itoklimo, jemaroñ wõnmanlok im bwebwenato iben kin kajitõk ko jet ilo tract eo ilo ien ko jet jej bar lolok e mokta jen ar jino kwalok buk eo ñõn e. Jen kajerbale tract in eaurõk ilo aliñ in Oktoba ñõn jino juõn Baibel study im jibõñ ro emol burueir ñõn “jela mol” eo.—Jon 8:31, 32.