Waanjoñak ko kõn Kilen Lel̦o̦ke Bok In

Naan in Keeañ Mãe 1

“El̦aññe en kar wõr am̦ maroñ ñan jol̦o̦k apañ ko ilo lal̦ in, apañ ta eo kwõnaaj kar kõm̦m̦an bwe en jako? [Kõtl̦o̦k bwe en uwaak.] Ekkar ñan Baibõl̦, m̦õttan wõt jidik Anij enaaj jol̦o̦k apañ n̦e im aolep apañ ko jej iiooni. [Riiti juon eoon ejejjet ñan apañ eo, bõlen Daniel 2:44; Jabõn Kõnnaan 2:21, 22; Matu 7:21-23; ak 2 Piter 3:7.] Bok in ej kwal̦o̦k ñããt im ewi wãween an nãj Anij ukot lal̦ in ñan juon jikin eaenõm̦m̦an im ejjel̦o̦k apañ ie.”

Juon Ennaan Em̦m̦an Jãn Anij!

“Kõmij bwebwenato ippãn baam̦le ko kõn juon ennaan em̦m̦an ilo Baibõl̦. Aolep armej ro kõmar kõnono ippãer rar kõn̦aan jel̦ã etke juon Anij in yokwe ej kõtl̦o̦k an wal̦o̦k eñtaan ilo lal̦ in. Ta l̦õmn̦ak eo am̦, eñin ke kõn̦aan eo an Anij jãn jinoin?” Kõtl̦o̦k an uwaak. Innem, ãlõkl̦o̦k ñan Katak 5 im riit im etale pãrokõrããp ko ruo m̦oktata im eoon in riit ko. Lel̦o̦ke bok eo im karõk ñan bar jepl̦aak im etale kajjitõk eo tok juon.