Waanjoñak ko kõn Kilen Lel̦o̦ke Bok In

Naan in Keeañ Nobõm̦ba–Tijem̦ba

“Kwõnañin ke kar baj kõn̦aan jel̦ã ia eo ãt in Ri Kõnnaan ro an Jeova ej itok jãne? [Kõtl̦o̦k an uwaak.] Eokwe uwaak eo epãd ilo Baibõl̦, epãd ilo eoon eo me Anij ej kwal̦o̦k ãt eo etan. [Riit Sam 83:18.] Innem, ãinwõt Ri Kõnnaan ro an Jeova, kõmij kwal̦o̦k kõn nuuj eo em̦m̦an kõn e im kõn bũl̦ããn im karõk ko an ñan kõj armej. Naan in Keeañ in enaaj kajim̦we l̦õmn̦ak ko rebõd an armej kõn kõm Ri Kõnnaan ro an Jeova.”

Naan in Keeañ Nobõm̦ba–Tijem̦ba

“Kwõnañin ke kar kõn̦aan jel̦ã etke Ri Kõnnaan ro an Jeova rej kwal̦o̦k naan jãn em̦ ñan em̦? [Kõtl̦o̦k an uwaak.] Eokwe, uwaak eo epãd ilo eoon in ilo Baibõl̦. [Riit Matu 24:14.] Eñin unin an lõñ Ri Kõnnaan ro an Jeova ilo aolep jikin ko ilo lal̦ in, ej kõnke ren kwal̦o̦k naan ñan aelõñ otemjej. Bok in ej bar letok mel̦el̦e ko rel̦l̦apl̦o̦k kõn ta ko kõmij tõmak kaki, ewi wãween kõmij bõk jããn in jipañ ko me rej rejetake jerbalin kwal̦o̦k naan, im etke kõmij kwal̦o̦k naan.”

Katak ko Rem̦ool jãn Baibõl̦ Eo

“Elõñ armej rej tõmak bwe Baibõl̦ ej Naanin Anij. Ak kokõn̦aan ke jel̦ã etke jemaroñ lõke bwe bok in ej an Anij meñe armej men ro rar je? [Kõtl̦o̦k an uwaak. Im riiti 2 Piter 1:21 im pãrokõrããp 5 ilo katak 2.] Bok in ej kwal̦o̦k uwaak ko ilo Baibõl̦ ñan kajjitõk kein.” Kwal̦o̦k kajjitõk ko ilo peij 6.