Kilen Lel̦o̦k Bok Ko
NAAN IN KEEAÑ
Kajjitõk: Elõñ armej rej kautiej Baibõl̦, ak kwõl̦ak baj lale epen ke ñan ad mel̦el̦e kake?
Eoon: Rom 15:4
Kein Lel̦o̦k: Bok in ej kõmel̦el̦e etke jejel̦ã bwe kar je Baibõl̦ eo ñan ad maroñ mel̦el̦e kake, im ej kwal̦o̦k jet wãween ko me remaroñ jipañ kõj ñan mel̦el̦e kõn kobban Baibõl̦.
NAAN IN KEEAÑ (peij eo itulik)
Kajjitõk: Imaroñ ke baj bõk l̦õmn̦ak n̦e am̦ kõn kajjitõk in. [Riiti kajjitõk eo jinoin.] Jet armej rej tõmak bwe ñe remej rej erom jet men ko ak ro jet rej tõmak bwe mej ej jem̦l̦o̦kin men otemjej. Ak baj kwe?
Eoon: Ekl 9:5
Kein Lel̦o̦k: Katak in ej kõmel̦el̦e kõn ta eo Baibõl̦ ej ba kõn men in. Kwõmaroñ riiti ippam̦ make im ñe ijepl̦aaktok, kõjro naaj wõnm̦aanl̦o̦k im bwebwenato ippãn doon kake.
JUON ENNAAN EM̦M̦AN JÃN ANIJ!
Kein Lel̦o̦k: Ikar kõn̦aan bõjraktok im ba ñan kwe bwe kõmij katak Baibõl̦ ippãn aolep armej ilo ejjel̦o̦k on̦ãn. Bok in ej kwal̦o̦k ia eo ilo Baibõl̦ me kwõmaroñ lo uwaakin kajjitõk ko am̦ ie.
Kajjitõk: Em̦õj ke am̦ baj riiti Baibõl̦ eo im lo bwe epen am̦ mel̦el̦e kobban? Eokwe, ilo am̦ naaj kõjerbale bok in, enaaj jipañ eok bwe en pidodo am̦ lo uwaakin kajjitõk ko ilo Baibõl̦. Ikõn̦aan kwal̦o̦k ñan kwe kilen kõjerbale, em̦m̦an ke? [Etale kajjitõk 1 ilo katak 2.]
Eoon: Rev 4:11
NAAN KO AM̦ MAKE
Kõm̦m̦an am̦ make naanin ijjino ilo am̦ l̦oore kilen kar kõm̦m̦ane waanjoñak ko itulõñ.