Kilen Lel̦o̦k Bok Ko
NAAN IN KEEAÑ
Kajjitõk: Jet armej rej l̦õmn̦ak bwe Baibõl̦ ej juon bok em̦or ak ro jet rej ba bwe ej wõr wõt tokjãn. Ak ta am̦ l̦õmn̦ak?
Eoon: 2Ti 3:16, 17, UBS
Kein Lel̦o̦k: Bok in ej kwal̦o̦k jet waanjoñak ko kõn joñan an Baibõl̦ aorõk im wãween an maroñ jipañ kõj. Ej bar kwal̦o̦k men ko jet kwõmaroñ kõm̦m̦ani ñan am̦ bõk tokjãn jãn am̦ riiti Baibõl̦.
KATAKIN RO JET M̦OOL EO
Kajjitõk: Epaak ke jem̦l̦o̦kin jukjukun pãd in?
M̦ool Eo: Kanaan eo ilo Baibõl̦ ej kwal̦o̦k bwe jej mour ilo iien ko ãliktata. Ennaan in ej juon ennaan em̦m̦an kõnke ej mel̦el̦ein bwe jej reim̦aanl̦o̦k ñan juon ilju im jekl̦aj enaaj em̦m̦anl̦o̦k mour ie.
JUON ENNAAN EM̦M̦AN JÃN ANIJ!
Kein Lel̦o̦k: Ikar kõn̦aan bõjraktok im ba ñan kwe bwe kõmij katak Baibõl̦ ippãn aolep armej ilo ejjel̦o̦k on̦ãn. Bok in ej kwal̦o̦k ia eo ilo Baibõl̦ me kwõmaroñ lo uwaakin kajjitõk ko am̦ ie.
Kajjitõk: Em̦õj ke am̦ baj riiti Baibõl̦ eo im lo bwe epen am̦ mel̦el̦e kobban? Eokwe, ilo am̦ naaj kõjerbale bok in, enaaj jipañ eok bwe en pidodo am̦ lo uwaakin kajjitõk ko ilo Baibõl̦. Ikõn̦aan kwal̦o̦k ñan kwe kilen kõjerbale, em̦m̦an ke? [Etale kajjitõk 1 ilo katak 2.]
Eoon: Rev 4:11
NAAN KO AM̦ MAKE
Kõm̦m̦an am̦ make naanin ijjino ilo am̦ l̦oore kilen kar kõm̦m̦ane waanjoñak ko itulõñ.