Kilen Lel̦o̦k Bok Ko

NAAN IN KEEAÑ

Kajjitõk: Ejab joñan n̦e kwõkilõki naan kein ilo eoon in?

Kein Lel̦o̦k: Bok in etan Naan in Keeañ ej kwal̦o̦k kõn an kar Jijej eñtaan im mej kõn kõj, im ewi wãween am̦ maroñ bõk tokjãn jãn mej eo an.

NAAN IN KEEAÑ (peij eo itulik)

Kajjitõk: L̦õmn̦ak m̦õk kõn kajjitõk in im uwaak ko an elõñ armej kõn kajjitõk in. [Riiti kajjitõk juon im uwaak ko kar kõllaajraki.] Ak baj kwe, enaaj kar elemen am̦ uwaake kajjitõk in?

Eoon: Mt 4:1-4

Kein Lel̦o̦k: Kõnke Tepil̦ eo ear kõnono ippãn Jijej im kajjioñ kapo e, men in ej kaalikkar bwe Tepil̦ ejjab baj mel̦el̦ein wõt ñe juon ej kõm̦m̦ani men ko renana ak ej juon jetõb me ekajoor. Bar ta ko jet Baibõl̦ ej ba kõn Tepil̦ eo? Eokwe katak in ej kwal̦o̦k ta kein.

PEBA IN KŨR ÑAN KWÕJKWÕJ EO

Kein Lel̦o̦k: Kõmij leto letak peba in kũr in ñan kũr aolep ñan juon iien el̦ap im eaorõk. [Lel̦o̦k peba in kũr eo ñan rũm̦weo.] Ilo naaj M̦aaj 23 raan, elõñ milien armej ipel̦aakin lal̦ in renaaj kobatok ippãn doon ñan aer keememeje raan in mej eo an Jijej Kũraij, im bareinwõt roñjake juon katak jãn Baibõl̦ me ej kwal̦o̦k ewi wãween ad maroñ bõk tokjãn jãn mej eo an Jijej. Peba in kũr in ej kwal̦o̦k awa eo im jikin eo men in enaaj kõm̦m̦an ie. Jouj im itok ñe kwõmaroñ.

NAAN KO AM̦ MAKE

Kõm̦m̦an am̦ make naanin ijjino ilo am̦ l̦oore kilen kar kõm̦m̦ane waanjoñak ko itulõñ.