Waanjoñak ko kõn Kilen Lel̦o̦ke Bok In

Leto Letak Peba in Kũr ñan KwõjKwõj Eo

“Kõmij leto letak peba in kũr in ñan kũrtok aolep armej ñan juon raan ekanooj aorõk. Ilo naaj Eprõl̦ 3 raan, milien armej ipel̦aakin lal̦ in renaaj koba ippãn doon ñan kakeememej raanin mej eo an Jijej Kũraij im roñjake juon katak kõn ewi wãween mej eo an ej jipañ kõj. Peba in kũr in ej kwal̦o̦k awa eo im jikin eo naaj kõm̦m̦ane kwõjkwõj in ie.”

Naan in Keeañ M̦aaj 1

“Ilo Eprõl̦ 3 raan ilo iiõ in, enaaj jejjet raanin mej eo an Jijej Kũraij. Ewõr ro renaaj koba ippãn doon ñan keememeje raan in ekanooj aorõk. Ak ewõr jet armej rejjab l̦õmn̦ak bwe elukkuun aorõk mej eo an Jijej. Ak kwe ta am̦ baj l̦õmn̦ak kõn men in? Kwõl̦ak baj lale, ewõr ke tokjãn mej im jerkakpeje eo an Jijej ñan kõj? [Kõtl̦o̦k an uwaak.] Eokwe, em̦m̦an jen lale ta eo Naanin Anij ej ba kõn men in. [Riit 1 Korint 15:22, 26.] Bok in ej kwal̦o̦k bwe kõn katok in mour eo an Jijej, juon raan ejjel̦o̦k juon armej ilo lal̦ in enaaj bar mej.”