Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo M̦aaj

“Kõmij bar itok in bwebwenato kõn men eo enaaj wal̦o̦k ilo Eprõl̦ 14 raan, iien eo ñan keememej mej eo an Jijej. Jet rej keememeje iien mej eo an Jijej kõnke rej kile bwe eaorõk, ak ro jet rejjab lukkuun jel̦ã el̦aññe eaorõk. Kwõl̦ak lale mej eo an Jijej eaorõk ke ñan kõjro?” Kõtl̦o̦k an uwaak. Kwal̦o̦k ñane tulikin Naan in Keeañ eo an M̦aaj 1. Innem, komiro etale kõmel̦el̦e ko ium̦win kajjitõk juon im lale juon iaan eoon ko ie. Lel̦o̦k bok eo im karõk ñan bar ro̦o̦l im etale kajjitõk eo juon.

Naan in Keeañ M̦aaj 1

“Elõñ armej rej l̦õmn̦ak kõn an Anij jab kõjem̦l̦o̦k jerbal ko rejjab jim̦we im jorrããn ko rej wal̦o̦k ilo lal̦ in. Kwõj l̦õmn̦ak ke bwe unin an ãindein kõnke ejjab kea im ekõn̦aan bwe armej ro ren eñtaan? [Kõtl̦o̦k an uwaak. Im riiti Jon 3:16.] Meñe elõñ rej kwal̦o̦k kõn eoon in ñan kaalikkar bwe Anij ej kea, ak rejjab lukkuun jel̦ã etke ewõr tokjãn an kar nejin Anij mej kõn er. Bok in enaaj kwal̦o̦k wãween mej eo an Jijej enaaj kõjem̦l̦o̦k jerbal ko rejjab jim̦we im jorrããn ko ilo lal̦ in.”