Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo allõñ in M̦aaj

“Jet armej rej tõmak bwe Baibõl̦ eo ej juon bok in kanaan ko im jemaroñ lõke. Ro jet rej l̦õmn̦ak bwe kanaan ko ie rejjab lukkuun alikkar im jabdewõt emaroñ ukoti ilo elõñ kain mel̦el̦e ko. Ak ta baj l̦õmn̦ak eo am?” [Roñjake an uwaak.] Innem lel̦o̦k ñan ri m̦weo Naan in Keeañ eo an Pãpode 1, im etale ippãn doon katak eo m̦oktata ilo unin tõl eo edik ilo peij 11 im juon iaan eoon ko ie. Lel̦o̦k ñan e bok in, im kõm̦m̦an karõk ippãn ñan am̦ bar jepl̦aak in bar etale kajjitõk eo tok juon.

Naan in Keeañ Pãpode 2012

“Jemaroñ katak elõñ katak ko jãn elõñ m̦aan im kõrã ro me rar buñbuñ ilo bwebwenato in armej. Kwõj ke errã ilo men in? [Roñjake an uwaak.] Eoon in ej jitõñl̦o̦k ñan juon em̦m̦aan eo el̦ap an kar buñbuñ, eo im e wõt im Baibõl̦ eo kar n̦aetan “jeran Anij.” [Riiti Jemes 2:​23.] Bok in ej kõmel̦el̦e kõn etke Anij ear likũti l̦ein juon jeran im ej kõmel̦el̦e kõn ta ko jemaroñ katak jãn joñak eo an Ebream.”

Naan in Keeañ Pãpode 2012

“Ta eo enaaj jipañe juon kõrã eo ewõr pãleen bwe m̦õn̦õn̦õ wõt ilo pãd eo an? [Roñjake an uwaak.] Baj lale mo̦k kõn wãween an naan in Anij uwaake kajjitõk in. [Riiti 1 Piter 3:​3, 4.] Jemaroñ katak kõn Sera jãn Baibõl̦ eo, juon kõrã eo me ekar wõr wãween ko rem̦m̦an ippãn. Bok in ej kõmel̦el̦e kõn wãween ko kõrã ro ewõr pãleer remaroñ katak jãn joñak eo an.” Kwal̦o̦k katak eo ilo peij 7.