Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo Oktoba

“Kõmij lotok kajjojo armej im bwebwenato ippãer jidik kõn juon doulul in kien eo em̦m̦an. Kwõl̦ak lale ewõr ke an jabdewõt kien maroñ ñan jol̦o̦k apañ ko reppen ãinwõt, lãj im kalijekl̦o̦k?” Kõtl̦o̦k an uwaak. Kakeememej armej eo ilo m̦weo kwõj kõnnaan ie bwe ilo Jar eo an Irooj, Jijej ear katakin rũkal̦oor ro an ñan jar kõn kien eo em̦m̦an bwe en itok, ej kien ak Aelõñ eo an Anij. Kwal̦o̦k itulikin Naan in Keeañ eo an Oktoba 1 im komiro etale kõmel̦el̦e ko ium̦win kajjitõk eo m̦oktata im juon iaan eoon ko. Lel̦o̦k bok eo, im karõk ñan am̦ bar jepl̦aakl̦o̦k im bwebwenato kõn kajjitõk eo tok juon.

Naan in Keeañ Oktoba 1

“Kõmij bwebwenato jidik ippãn jabdewõt kõn naan kein me elõñ armej em̦õj aer roñ kaki me rej itok jãn jar eo me Jijej ear katakin rũkal̦oor ro an kake. [Riit Matu 6:9, 10.] Ewõr ke juon enañin kar kõmel̦el̦eiki eok kõn ta in Aelõñ eo an Anij im etke enañin kar l̦ap an Jijej kwal̦o̦k kake ñe ej katakin armej ro? [Kõtl̦o̦k an uwaak.] Bok in ej kwal̦o̦k kõn ta eo Baibõl̦ ej ba kõn Aelõñ eo an Anij im jet iaan jeraam̦m̦an ko rel̦l̦ap enaaj kõm̦m̦an bwe ren wal̦o̦k ilo lal̦ in.”