Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo Oktoba

“Ta am̦ l̦õmn̦ak, Anij ej ke m̦õn̦õn̦õ kõn wãween ko renana rej wal̦o̦k ilo lal̦ in rainin? [Roñjake an uwaak.] Baibõl̦ ej kwal̦o̦k bwe m̦õttan jidik Anij enaaj jol̦o̦k men ko renana im bõktok men ko rem̦m̦an ñan armej ro. [Riit Revelesõn 21:⁠4.] Lale m̦õk ta in bok in ej ba.” Kwal̦o̦k ñan ri m̦weo Naan in Keeañ eo an Jeptõmba 1, im etale unin tõl jidikdik eo kein kajuon ilo peij 14. Ba ñane bwe kwõj m̦õn̦õn̦õ in likũt bok in ippãn im karõk ñan bar jepl̦aak komiro bwebwenato kõn kallim̦ur ko jet an Anij im renaaj jejjet kitieer ilo raan ko rej pãd im̦aan.

Naan in Keeañ Jeptõmba 2012

“Elõñ milien armej ro ipel̦aakin lal̦ in rej chew betel nut. Kwõnañin ke kar baj l̦õmn̦ak etke elõñ armej rar jino kõm̦m̦ane men in? [Roñjake an uwaak.] Baibõl̦ ej ba bwe jej aikuj l̦õmn̦ak kõn ewi wãween an Anij watõk m̦anit jab in. [Riit Jerbal 17:28.] Bok in ej kwal̦o̦k jet iaan naan in tõl im kakapilõk ko jãn Eo Ear Letok Mour ñan kõj im remaroñ jipañ kõj ñan kile el̦aññe em̦m̦an ak enana chew betel nut.”