Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo Oktoba

“Yokwe. Kõmij kwal̦o̦k ilo tukadu kõn juon men me emaroñ jipañ ri pãlele ro ñan m̦õn̦õn̦õ ilo mour ko aer. Ewi am̦ baj l̦õmn̦ak, ta apañ eo el̦aptata an kõm̦m̦an bwe ri pãlele ro ren jab m̦õn̦õn̦õ?” [Kõtl̦o̦k an uwaak.] Kwal̦o̦k tulikin Naan in Keeañ eo an Jeptõm̦ba 1. Etale ippãn kõmel̦el̦e ko ium̦win kajjitõk eo kein kajuon im juon iaan eoon ko ie. Lel̦o̦k juon an bok im karõk ñan bar jepl̦aak ippãn bwe komiro en etale kajjitõk eo kein karuo.

Naan in Keeañ Jeptõm̦ba 1

“Kõmij kõn̦aan bwebwenato ippãn armej ro kõnke elõñ rekõn̦aan jel̦ã etke Anij ej kõtl̦o̦k an wal̦o̦k bũrom̦õj im eñtaan. Em̦õj ke am̦ kar l̦õmn̦ak kõn men in? [Kõtl̦o̦k an uwaak.] Ilo Baibõl̦, ej kallim̦ur bwe enaaj wõr juon iien me bũrom̦õj im eñtaan renaaj jako. [Riit Revelesõn 21:4] Bok in ej kwal̦o̦k l̦alem un ko unin an wõr bũrom̦õj im eñtaan. Ej bar kwal̦o̦k ta eo Baibõl̦ ej ba kõn wãween an naaj Anij jol̦o̦k eñtaan.”