Kwõj Ke Kõjerbal JW Library?

Ejjel̦o̦k on̦ãn ñan taunl̦outi app in JW Library. Ilo app in, kwõmaroñ taunl̦outi Baibõl̦ eo, bok ko, pija in alwõj ko, kab kõjañjañ im katak ko kar rekooti ñan jeel̦boon, IPad, tablet ak kampiutõr eo nejũm̦.

KILEN AM̦ TAUNL̦OUTI: Etal ñan Internet im taunl̦outi JW Library app jãn app store. JW Library app emaroñ jerbal ñan jabdewõt jeel̦boon ko rej Internet ak IPad im tablet ko. Im ñe kwõj online, kõpel̦l̦o̦ke JW Library im kããlõt men eo kokõn̦aan taunl̦outi ñan men eo nejũm̦. El̦aññe ejjel̦o̦k Internet ilo m̦weo im̦õm̦, kwõmaroñ etal ñan Im̦õn Kweilo̦k ko ad me ewõr Internet ie, ak jikin ko jet me ejjel̦o̦k on̦ãn ñan online ie. Ilo app in, el̦aññe em̦õj am̦ taunl̦outi juon bok, kwõban aikuj online ñan kõpel̦l̦o̦ke. Im kõnke ewõr iien rej kobaik men ko rekããl ñan kakõm̦anm̦anl̦o̦k app in, em̦m̦an kwõn etal ñan online jãn iien ñan iien im update app in.

ETKE EM̦M̦AN BWE JEN TAUNL̦OUTI? El̦ap an app in, JW Library, kõm̦m̦an bwe en pidodo ad katak ippãd make im l̦oore an armej ro kõm̦m̦ani katak ko aer ilo iien kweilo̦k. Ebar jipañ kõj ilo kwal̦o̦k naan, el̦aptata ñe jej kwal̦o̦k naan ilo iien ko rem̦m̦antok.