Kõjerbal Web Site eo Ad Ñe Kwõj Katak Ippam̦ Make im Ippãn Baam̦le eo Am̦
Riiti Naan in Keeañ ko Rekããl ilo Internet: Kwõmaroñ riiti Naan in Keeañ eo ilo Internet jejjo wiik m̦okta jãn an itaak tok ñan eklejia eo. Kwõmaroñ bareinwõt roñjake ainikien aer riiti Naan in Keeañ ko im Awake! ilo Web site in. Etal ñan “Publications/Magazines.”
Riiti Kõn Men ko me Rej Wal̦o̦k Wõt ilo Web site Eo: Katak ko ãinwõt “For Young People,” “My Bible Lessons,” “For Family Review,” im “Young People Ask,” renaaj wal̦o̦k wõt ilo Web site eo ad im jab ilo bok ko ad. Kõjerbal Internet im lale jet iaan katak kein ñe kwõj katak ippam̦ make ak ilo iien am̦ katak ippãn baam̦le eo am̦. Etal ñan “Bible Teachings/Children or Bible Teachings/Teenagers.”
Lale Nuuj Kããl: Kwõmaroñ riiti bwebwenato ko im alwõj pija ko rekadu kõn jerbal in kwal̦o̦k naan eo ad ipel̦aakin lal̦ in. Ebar wõr nuuj kõn jikin ko me rej jorrããn itok wõt jãn l̦añ ko rel̦l̦ap ak m̦akũtkũt lal̦ im wãween ko ãierl̦o̦kwõt. Bareinwõt ewõr nuuj ko kõn ro jeid im jatid me rej iioon jum̦ae im eñtaan kõn tõmak eo aer. Men in enaaj jipañ kõj ñan jel̦ã ta ko jen jar kaki kõn ri tõmak ro m̦õttad. (Jem. 5:16)—Etal ñan “News.”
Kappok Mel̦el̦e ko ilo Online Library: El̦aññe Watchtower Library eo ilo Internet ewõr ilo kajin eo am̦, kwõmaroñ kõjerbal computer ak cell phone eo nejũm̦ kab men ko ãierl̦o̦kwõt ñan lale unin tõl in raan ak kappok mel̦el̦e ko jãn bok ko an iiõ ko l̦o̦k.—Etal ñan “Publications/Online Library, ak taip www.wol.jw.org ilo internet.”
[Pija ko ilo peij 4]
(Ñan lale pija eo, jouj im lale ilo bok eo.)
Kajjioñe Men In
1 Jipede pija eo ak naan eo me ej ba “Download.” Pija eo enaaj wal̦o̦k ilo ijo me ej ba PDF. Kwõmaroñ printi im lel̦o̦k ñan ajri eo nejũm̦ bwe en kein an ekkatak.
2 Ñan alwõj juon pija, jipede “Play.”